→ كل الوصفات
اكلتنا المعروفه عنا والمفضله وبالذات يوم الجمعة بعد الصلاه و كمان في الأفراح والمناسبات الكبيره لازم تكون فيها فته سوا باللحمه أو الفراخ بسيطه جداً وسهله اكتييير وكل مكوناتها موجوده عنا في البيت #امي_معلمتي #ع_طريقتي
المقادير
- فرخه كبيره (روكي) أو (بلدي)
- بصله كبيره
- فلفل اسود وملح حسب الرغبة
- ملعقة بهارات فراخ
- هيل صحيح وورق لوري
- ماء للشوربه
- كيلو رز
- فطير صاج أو عيش الشاورما السوري أو الرقاق الناشف
- مكسرات (سوداني و لوز)
- شيبسي
- 1/2 كوب ورق بقدونس
- كمية كبد وقوانص
- بصله كبيره
- 3 م ك زيت
- ملح وفلفل اسود حسب الرغبة
- بهارات فراخ
طريقة التحضير
- هانبشر بصله ناعم اوي ونحط عليها ملح وفلفل اسود وبهارات فراخ ونمسك الفراخ بعد ما نضفنها وغسلنها كويس نفركرها بالخلطه دي و نوزع بين الجلد ونخليه على جمب ياخذ الطعم فيهم
- في حله على النار هانحط الزيت و نحط فيه ٢ فص مستكه و ورق لوري و هيل صحيح ونديها تقليبه بسيطه.. ننزل بالفراخ ونقلبها كويس لحد ما يتغير لونها ونغطيها شويا تنزل ميتها اشويا نقلبها تاني ونزود عليها الماء لحد ما تغطي كميه الفراخ الموجوده في الحله ونسيبها تغلى ونحط الملح وبعد كدا نخفف عليها لحد ما تستوي وبكذا نكون عملنا الشوربه 👌
- نعمل الرز بقى ممكن رز بشعيريه و ممكن رز محمر (حبه وحبه)
- دا شكل الفطائر السيناويه بتاعتنا وكدا بنخبزها على النار يعني على الحطب
- هاناخد كميه من الشوربه ونبلل فيها الفطائر بنحط من ٤ ل ٥ فطايروبعد كدا بنحطها في صينيه كبيره وبعد كدا بنفرد فوقها الرز.. وبنكون مجهزين الفراخ بعد السلق بنحمرها شويا في الزيت بنحطها على وجه الفته
- الخلطه بنسوي كبد و قوانص بس بنقطعهم صغير اووي مع بصله وبهارات و في الاخر بس نطفي النار بنضيف البقدونس والمكسرات و نرش الخلطه على وجه الفته والفراخ وهنا انا حاطه شبيسي بالشطه والليمون ودا حسب الرغبه عادي وبالهنا والشفا ✌️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد