→ كل الوصفات
طريقة عمل فته باللحمه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو لحمه مسلوقه
- 6 حبات طماطم
- كيلو ارز
- 2 رغيف عيش
- 6 فصوص ثوم مهروسين
- ملح وخل
- شوربه
طريقة التحضير
- اولا نبدا بالارز نغسله كويس وبعدين نجيب حله نحط فيها معلقه سمنه وحبه صغيره من الزيت ونحط الرز ونضيف عليه شوربه ونسيبه لحد ما يستوي ع نار هاديه
- وبعدين نجيب حله نحط فيها الثوم المهروس وحبه زيت ونقلبه شويه لحد ما يصفر هتكون احنا ضاربين الطماطم ف الخلاط ونضيفها ع الثوم ونحط ملح وحبه خل ونسببها تتسبك وبعدين نجيب صنيه نحط فيها معلقه سمنه وتقطع العيش حتت صغيره ونحطه ف السمنه ونفضل نقلبه لحد ما ياخد اللون البني ونحط كبشه شوربه عليه وتحط عليه الارز بتاعنا ونفرد الأرز كويس وبعدين نحط عليه اللحمه وننزل بالصلصه الكميه اللي تحبها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد