→ كل الوصفات

فته باللحمه

طريقة عمل فته باللحمه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو لحمه مكعبات
  • كوب رز
  • 0.5 كيلو طماطم
  • ثوم مفروم
  • ملعقتين خل
  • رغيف عيش شامي
  • سمن بلدي
  • ملح حسب الرغبة
  • فلفل اسمر
  • بهارات
  1. اول حاجه غسلت اللحمه وحطيت ماء تغلى ونزلتها تتسلق وحطيت فلفل اسمر وبصله ولما قربت على السوا حطيت الملح
  2. غسلت الرز وقدحت ملعقة سمنه وشوحت الرز شويه وسقيته بالشوربه ولما اتشرب وطيت النار لحد م استوى خالص
  3. قطعت الطماطم وحطيتها على النار لحد ما استوت وضربتها في الخلاط وسخنت ملعقة زيت وحمرت فيها ثوم مفروم وطشيته بمعلقه خل ونزلت صلصله الطماطم وفلفل اسمر وملح غلوه واحده وطفيت عليها
  4. قطعت رغيف العيش بالمقص وقدحت ملعقة سمنه ونزلت بالعيش وقلبت لحد م اتحمر
  5. وآخر حاجه غرفت الطبق
  6. حطيت الأول الرز وبعدين العيش وسقتهم بشويه شوربه صغيرين
  7. وقلبته في طبق تاني وحطيت الصلصه واللحمه والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →