→ كل الوصفات

فته باللحم "الفته السيناوي"

#ع_طريقتي #عيد_الاضحى كل سنه وانتم طيبين 🐑🐏 🐄 وعيد سعيد عليكم يارب 😍 وطبعا هو العيد اي من غير صدر الفته 😉 جربوها ومش هتندمو أن شالله 😍

  • كيلو رز مصري
  • 1/2 كيس شعيرية
  • ماء
  • ملح
  • 3 حبه هيل صحيح
  • 2 فص مستكه
  • 4 م ك سمنه على زيت
  • قطع لحم
  • ماء
  • بصله وسط
  • هيل صحيح + ورق لورى
  • ملح + بهارات لحمة
  • كوب سوداني محمر في م زبدة
  • كوب لوز محمر في م زبدة
  • ربطه بقدونس
  • فطير سوري محمص
  • كيس فطير سوري
  1. اولا هانسلق اللحمة.. في الحله هانحط كميه الماء المناسبة لكميه اللحمة الموجودة معنا.. هانضيف على الماء الهيل وورق اللورى و البصله زي ماهيا سليمه ونخلي الماء لحد ما تغلي ننزل باللحمه بقى مع رشه بهارات لحمة صغيرة جداً ونخليها تأخذ غلوة ونخفف النار وتخليها تستوي براحتها
  2. ثانياا هانعمل الرز بقى في حله على النار هانضيف الزيت على السمنه ونسخنهم ننزل بالمستكه والهيل.. وننزل بنص كميه الرز ونفضل نقلب فيها لحد ماياخد اللون الذهبي الفاتح ننزل عليه بالشعيريه لحد ما تتحمر معنا بعد كدا ننزل بباقي كميه الرز الموجودة ونقلب كلوو مع بعضو كويس هانحط كميه الملح المناسبة ونقلب كمان شويا ننزل بالميا نغطي بيها الرز وبردو حسب كميه الرز الموجودة في الحله.. بس يغلي نخفف عليه النار ونحطو على الشايطه ونخليه لحد ما يستوي
  3. ثالثا. الخلطه بقى هانحمر الفطير في زيت او زبدة حسب الرغبه تأخذ اللون الذهبي ونطلعو على ورق المطبخ يتصفي.. هانقطع البقدونس حتت صغيرة جداا.. ونحمر السوداني واللوز في م زبدة ونصفيه بردو على ورق المطبخ.. هانحط البقدونس على السوداني واللوز و نفتفت عليهم الفطير المحمص ودا طبعاً عشان الوجه في الآخر
  4. هانجيب طبق التقديم و هانجيب الفطير السورى ونقطعو حتت صغننه ونسقيه بشوربة لحد ما نحس انو بقى طرى وحلو هانحط فوق الرز ونفردو كويس ونحط عليه الخلطه ونحط عليه اللحمة من فوق ونقدمها مع الشوربه والليمون الاخضر وبالهنا والشفا ⁦✌️⁩
عجبتك الوصفة؟
شوف كل وصفاتنا في مكان واحد
كل الوصفات →