→ كل الوصفات

فته شاورما حاجه كدا وهم وتحفه وفوق الخيال

طريقة عمل فته شاورما حاجه كدا وهم وتحفه وفوق الخيال سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • فراخ بانيه اي كميه انتى عوزاها
  • عصير بصل واحده كبيرة
  • علبه زبادي وسط
  • ملح على حسب الرغبه ملعقه صغيرة فلفل أسود بهارات شاورما فراخ
  • ملعقه صغيره باربيكيا
  • ملعقه صغيرة ثوم بودر.بصل بودر
  • ملعقه صغيرة من السبع بهارات لو عندك
  • زعتر ده اختياري
  • ملعقه كبيرة خل
  • 2 كوب أرز بسمتي
  • بصله جوانج وطماطمايه وفلفل اخضر كبي
  • كوركم. كاري
  • شوربه جاهزة عندك لو مفيش يبقى 2مكعب ماجي على كوب ماء
  • 3 رغيف أسمر
  1. أول حاجه نضع الفراخ مع كل ماسبق من التتبيله ساعتين في الثلاجه
  2. بعدين نجيب طاسه ونحط شويه زيت يسخن ونروح نازلين بالفراخ الجميله على نار متوسطه تشرب ميتها وننزل بطماطمايه وقرن فلفل كبي وبصلايه جوانح تقلبتين والشاورما جهزت
  3. نيجى بقى للكوبين الارز نحط عليهم ٤كوب شوربه مغليه أو شوربه وماء ونحط في الحله شويه زيت وننزل بواحده مكعب ماجي اول ما تذوب ننزل بمعلقه الكوركم والكارى والملح والفلفل الاسود. وننزل بالارز المغسول المتصفي طبعاً ونشوحهم شويه وننزل بالشوربه المغليه تتشرب ونهدى النار ونسيبه لغايه مايستوى وبكدا خلصنا الارز
  4. نيجى بقي للعيش نقطعه مربعات بالمقص ونحط عليه ملعقه زيت وملعقه سمنه ونحمرة في الطاسه لغايه مايبقي لونه ذهبي
  5. التوميه بقي معلقتين نشا على كوب ماء ونحطهم في طاسه على النار لغايه مايبقوا زي المهلبيه كداوبعدين نطفي ونسيبها تبرد
  6. بعد ماتبرد نحطها في الكبه ونحط عليها فص ثوم مهروس وخل وزيت ونص كوب لبن ونقطه ملح وفلفل أسودولو عوزاه تقيل قوامه زوديه لبن ولو عاوزة قوامه خفيف زوديه زيت
  7. اخر خطوة هنرص في الطبق حبه عيش صغيرين وعليهم الارز وعلى الوجه الشاورماوعيش على الحروف وعلى الوجه توميه وألف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →