→ كل الوصفات

فته شاورما سوري طعمه وجوسي جدااا

طريقة عمل فته شاورما سوري طعمه وجوسي جدااا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو فراخ بانيه مقطعه شرايح
  • توابل الفراخ
  • بصله مقطعه جوانح
  • فلفل الوان جوانح
  • 2 طماطم
  • ملح فلفل
  • ثوم بودر
  • بصل بودر
  • سماق
  • كاري
  • كركم
  • / رشه قرفه
  • معلقه طحينه
  • 1/2 كوب لبن عليه معلقه صغيره نشا
  • كوب ميه متدوب فيه 3 معالق نشا
  • 5 فصوص ثوم
  • 3 معالق ذبادي /3معالق مايونيز
  • 3 معالق لبن رشه ملح
  • 1/4 كوب زيت
  • 2 كوب ارز يتنقعو ف ميه مغليه ساعه
  • معلقتين زيت
  • قرفه
  • قرنفل
  • كاري
  • كركم
  1. اول حاجه نشوح الفراخ ف معلقتين زيت لحد ماتنزل ميتها وتشربها
  2. بعد ماتشوح كويس نحط عليها التوابل بعد كده نضيف البصل بعد كده ننزل بالفلفل الالوان ونشوح بعد كده ننزل بمعلقه الطحينه متدوبه ف نص كوب ميه سخنه وقلب
  3. بعد كده انزل باللبن ال عليه النشا واقلب وازود كوب ميه سخنه واسبها تاخد غلوه وانزل بالطماطم مقطعه صغنون بعد كده اوطي واسيبها تستوي
  4. صوص التوميه / احط الميه علي النشا عل النار واقلب كويس لحد ما الخليط يتقل اقفل النار واسبها تبرد بعد كده احطها ف الخلاط هي والذبادي والمايونيز والثوم والملح واللبن واخلط كويس واثناء الخلط ازود الزيت
  5. الارز اشوح توابل الارز ف معلقتين الزيت عل النار وانزل بالرز المنقوع ف الميه بعد مااصفيه بعد كده ازود خمس كوبيات ميه واسيب الرز يتشربهم بعد كده اوطي وبس كده احط الرز الشاورما عل الرز ومن فوقه التوميه ولو عندك عيش سوري احمره ف الزيت واحطه ع الوش وبالف هنا وشفا 💕
عجبتك الوصفة؟
شوف كل وصفاتنا في مكان واحد
كل الوصفات →