→ كل الوصفات
طريقة عمل فته شاورما فراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو صدور فراخ متقطعه رفيع
- 1 زبادي
- معلقه ملح وفلفل اسود
- معلقه صغيره بابريكا
- معلقه صغيره نعناع ناشف
- ملعقة صغيرة بودرة ثوم
- ملعقة صغيرة بودرة بصل
- 1 بصله متوسطه
- 1 طماطم متوسطه
- زيت
- كوبايه ونص رز بسمتي
- ملعقة كاري
- ملعقة كركم
- زيت
- قطعه صغيرة زبده
- 2 علبه زبادي
- ½ كوبايه مايونيز
- فصين ثوم مفرومين كويس
- ملعقة صغيرة ملح وفلفل
- معلقه صغيره خل
- ½ ليمونه
- رغيف عيش بلدي
- شويه زيت مع ملعقة زبده
طريقة التحضير
- نتبل الفراخ بالزبادي والملح والفلفل والبابريكا والنعناع الناشف والثوم والبصل البودرة ونسيبها في الثلاجه من بليل او اقل حاجه من ٢ ل 3 ساعات
- بعد ما الفراخ اتبلت الفتره المطلوبه نطلعها من الثلاجه ونجيب طاسه ونحط شويه زيت وننزل بالفراخ على نار هادئه عشان تستوي كويس
- قبل ما الفراخ تستوي بمده صغيرة ننزل بالبصله متقطعه جوانح والطماطم على الفراخ ونسيبهم شويه مع بعض وبعدين نطفى النار
- نجيب حله ونحط شويه زيت وقطعه زبده صغيرة ونحط الرز البسمتى اللي منقوع في الماء لمده نص ساعة ومتصفى
- نضيف ملعقة كاري ومعلقه كركم وملح ونقلب
- نضيف قد كميه الرز مرتين ماء عشان الرز يستوي كويس ونسيبهم على نار عاليه لحد ما الماء تتشرب وبعدين نخفف خالص
- بعد ربع ساعة نشوف لو الرز استوى نطفى
- نجيب رغيف عيش بلدي ونقطعه قطع ونقليه في شويه زيت وحته زبده ونطلعه في طبق ونركنه على جنب
- لعمل التوميه : نجيب ٢ زبادي ونحط عليهم نص كوب مايونيز وفصين ثوم مفرومين والملح والفلفل ونص ليمونه ومعلقه صغيرة خل
- نخلطهم مع بعض كويس جداً ونسيبهم على جنب
- في النهايه نجيب طبق للغرف ونحط شويه عيش وفوقيهم الرز وبعدين الشاورما وعلى الوجه خالص التوميه
- ممكن نضيف شويه لوز مقلى للتزيين وبالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد