→ كل الوصفات

فته شاورما فراخ

تقدم مع الخبز المحمص والثومية

  • 1/2 ك صدور فراخ مقطعة شرائح رفيعه
  • 2 بصلة كبيره
  • 2 فلفل اخضر رومي
  • فلفل اصفر واحمر مقطعين جوليان
  • مكعب مرقه فراخ
  • ملح وفلفل اسود وبابريكا وثوم بودرة وبصل بودر وكركم وكاري / ربع كوب لبن / ملعقة كبيرة مايونيز/ ملعقة كبيرة خل/ ملعقة كبيرة زيت
  • كوب ونص ارز بسمتي
  • بصلة وسط مبشور ناعم
  • مكعب مرقه فراخ
  • ملح وفلفل اسود وكركم وكاري
  • ملعقة كبيرة زيت
  • علبه زبادي
  • ملعقه صغيرة ثوم بودرة
  • ملعقة صغيرة خل
  • ملعقة كبيرة مايونيز
  • 2 رغيف عيش بلدي مقطع مثلثات ومقلي في الزيت
  1. نتبل شرائح الفراخ بالتتبيله ونسيبهم يرتاحو شويه عبال ما نحضر الارز والافضل تبات ليله كامله في الثلاجة
  2. بالنسبه للارز.....نحضر حله ونضع بها الزيت سخن ونحط البصله المبشور واول ما يصفر ننزل عليها بالمرقه والتوابل يا دوب ريحتهم تطلع ننزل بالارز ونقلب حتى يشرب الارز كل المكونات ونننزل ب ٣ اكواب ماء. يادوب يغلي نخفف النار ونضع الشياطه ونسيبه يستوي براحته
  3. نضع الشاورما في طاسه على النار ساخنه ونبتدي نشوحها واول ما لونها يتغير ننزل عليها بالخضار المقطع جوليان وربع كوب ماء ونسيبها تستوي مع الخضار
  4. بالنسبه للثومية.... نضع عليه الزبادي وعليها الخل والثوم الباودر والمايونيز ونقلبهم سوا
  5. نحمر العيش في زيت ساخن
  6. نضع الارز في طبق التقديم ونضع عليه شاورما الفراخ وفوقها صوص الثومية وتزين جانب الطبق بالعيش والف هنا
عجبتك الوصفة؟
شوف كل وصفاتنا في مكان واحد
كل الوصفات →