→ كل الوصفات
طريقة عمل فته شاورمه بالرومي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو ونص رومي
- 3 كوبايات رز مصري
- كوبايه بسله وكوبايه جزر وكوبايه فاصوليا
- 3 بصلات مبشورين
- 3 معالق توم مهروس كبار
- ملح
- فلفل اسود
- بابريكا
- جنزبيل
- كركم
- ملح
- مرقه دجاج وخل
- 3 عيش سوري
- 2 كوب زبادي
- معلقتين كبار مايونيز للثوميه
طريقة التحضير
- نبشر البصله ونزلها في حله ولما تبقي ذهبي ننزل ب البسله (البازيلا) والجزر والفاصوليا ومعاهم ملعقة فلفل اسود وزره ملح ونشوحهم وبعد كده ننزل بكوبايتين ماء ماء كبار ونغطي
- نجيب البصلتين المبشورين ونحطهم مع زيت وفي الحله ولما تتشوح وتبقي ذهبي ننزل بالرز ومعاه حبهان وجوزه الطيب بشره صغيرة ومكعب مرقه دجاج وكركم وفلفل اسود وزنجبيل وننزل بالماء المقدار المزبوط وبعد كده يتشرب ونغطي يستوي
- اخر حاجه هنجيب الرومي نتبل فلفل اسود وبابريكا وزنجبيل وكاري ومعلقه ملح صغيرة ومعلقه ص خل ونزلهم في طاسه بزبده يتعملهم صدمه وبعدين كوبين ماء للسوا ونركن على جمب
- هنجيب العيش نقصقصه مستطيلات صغيرة ونزله في طاسه بزبده وعليه ثوم وتوابل وزره ملح هيتحمص مع بعضه ونطلعه في طبق في الهو هيقرمش
- التوميه كوبين زبادي ومعلقتين كبار مايونيز وزره ملح وفلفل اسود ونضربهم بالشوكه وعلى الوجه بقدونس
- هنجيب قارب كبير هنزل الرز والخلطه الخضار عليه وفوقه الرومي المتبل وعليه رشه بقدونس ورشه مايونيز وفي الجوانب هنرص العيش المحمص اوممكن يترص تحت في قاع القارب ونسقيه شوربه ونحط الرز بالخلطه فوقه عادي وبالف هناااا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد