→ كل الوصفات

فته شوربه بالرقاق بالصعيدي

الوصفه دي سهله جدا وسريعه جدا جدا وطعمها فوق الخيال والله بس هي مش معروفه اوي غير ف الصعيد الجواني .. احسن اكله تطلع من احسن ناس ف مصر .. الصعايده

  • شوربه لحمه او فراخ المتوفر
  • بصله مقطعه قطع صغيره
  • معلقه سمنه بلدي او عاديه
  • ملح وفلفل اسود حسب الرغبة
  • ملعقة صغيرة كمون
  • شوية كسبره ناشفه
  • بشره جوزه الطيب
  • كمية رقاق ناشف او من يسمونه فطير رقيق في الصعيد
  1. ف طاسه غويطه شويه او حله... هنحط معلقه السمنه ونحط البصل المتقطع ونحمره نخلي لونه دهبي
  2. ننزل عليه بالشوربه المتوفره ونحط التوابل وتغلي ونطفي عليها.. ف طبق غويط نكسر الرقاق ونضيف عليه بعد كدا الشوربه اللي حضرناها بالبصل والتوابل.. ونقدم جنبها سلطه ونحط عليها اللحمه او الفراخ.. المتوفر برده
  3. وبالف هنا وشفا جربوها مش هتندموا
عجبتك الوصفة؟
شوف كل وصفاتنا في مكان واحد
كل الوصفات →