→ كل الوصفات
طريقة عمل فته ولحمة راس سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 :30 ك لحمة راس
- 1 كوب و نص رز مصري
- ملعقة صلصة
- عيش محمص
- 2 حبة طماطم
- 10 فصوص ثوم
- خل ابيض
طريقة التحضير
- اول حاجه ننقع اللحمة حوالي نص ساعة فخل و ملح و نغسلها كويس ونسلقها سلق عادي خالص نملا حله مياه و نحط معاها بصله لما تغلي ننزل باللحمه و لما تبدأ تدخل فالسوا نتبلها بملح و فلفل اسود و لورا و حبهان و جوزة الطيب و شطه و رشة زنجبيل ولما تستوي خالص نطلعها من الشربه و نقطعها قطع صغيرة لو مش متقطعه وده احسن عشان لو اتسلقت وهي متقطعه هتتهري فالشوربه و بعد كده نشوحها فشوية زيت مع شوية ثوم مهروسين
- الرز هنعمل رز ابيض مصري عادي خالص شوية زيت مع ملعقة سمنه فالحله و لما تسخن ننزل عليهم بالرز يكون مغسول و متصفي كويس و عليهم كوبين ماء و ملعقة ملح و تكه صغيرة وهي تضيفي ملعقة خل ابيض على الرز هيطلع مفلفل و ابيض وزي الفل و قلبيهم و لما الماء تنشف تخففي شمعه و تحطي الشياطه لحد ما يستوي
- الصلصة هنبشر الطماطم و نحطها تتسبك شويه على النار مع ملعقة زيت و نحط معاها ملعقة ثوم مهروس و لما تبدأ تنشف شويه تحطي كبشتين شوربه و معلقتين خل و ملح و فلفل اسود و شطه و ربع ملعقة هريسه لو في و لما تنشف من الماء شويه اطفي عليها
- طشة الثوم الاخيره هنحمر شوية ثوم مفروم فمعلقة زيت ولما يحمر ننزل عليهم بمعلقة خل ولما تنشف اطفي عليها العيش المحمص بقي حطي العيش في الفرن لحد ما يتحمص و لما يتحمص طلعيه و فطاسه كسريه و حطي معاه ملعقة زيت و فص ثوم مهروس و قلبيه لحد ما ينشف خالص و نغرف بقي نحط العيش الأول في الطبق و نسقيه بق شوربه و فوقيهم الرز و عليهم ملعقة صلصة و ملعقة فوق الوجه من الطشه و هتاكلي احلى طبق فته كلتيه فحياتك و كله هيحلف بيها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد