→ كل الوصفات

فراخ بالبصل🧅 والفلفل الالوان 🫑🌶

وصفة سهلة وتنفع في العزومات

  • كيلو ونص فرخة مقطعاها الى 8 قطع
  • 4 بصلات شرائح او مكعبات من 500 الى 750 جرام
  • 1 فلفل احمر وواحد فلفل اصفر وواحده فلفل اخضر كبيره او 2 صغيرين
  • معلقه صغيره من التوم
  • معلقتين دبس رمان
  • 1/4 كوبايه زيت و معلقة سمنه بلدي
  • معلقه ونص صغيره ملح
  • معلقه صغيره زعتر
  • معلقه صغيره فلفل اسود
  • معلقه صغيره سماق
  • معلقه صغيره بابريكا مدخنه
  • 1/2 معلقه صغيره بهارات سبع
  • 1/2 معلقه صغيره بهارات فراخ
  • 1/2 معلقه حبهان بودر
  • 1/2 معلقه قرنفل باودر
  • 2 ورق لوري
  • 1 معلقه سكر
  1. بنقع الفراخ في محلول نقع عباره عن اثنين لتر ميه وربع كوبايه ملح وربع كوبايه سكر ونص معلقه جنزبيل وعصيرليمونه واسيبهم ليله في الثلاجه
  2. تاني يوم ببشر بصله صغيره جدا وعليها نص معلقه فلفل اسود ومعلقه صغيره ملح واتركهم ساعه والخطوه دي اختياريه
  3. بحضر صينيه وبحط فيها الزيت والسمنه ومعلقه السكر واعمل للفراخ صدمه ولما تحمر من جنب اقلبها من الناحيه الثانيه لحد برده ما تاخد لون
  4. اضع الفراخ دي على جنب في طبق
  5. في نفس الحله اللي فيها الماده الدهنيه بانزل بالبصل وقلبوا تقليبه واحده
  6. اضيف معلقه التوم وتقليبه واحده
  7. اضيف الفلفل وتقليبه واحده
  8. اضيف جميع التوابل ودبس الرمان
  9. اخذ نصف المقدار بتاع الخضار ده على جنب في طبق واضع الفراخ في الصينيه واضع نوع بقيت باقي نص الخضار ده ثاني اللي في الطبق ده
  10. اضيف نص كوبايه ميه مغليه
  11. اول ما تغلي اغطيها بورق زبده
  12. ادخله على فرن سخن على درجه حراره 200 لمدة ساعة وبعدين نشيل الفويل ونسيبها شويه في الفرن لحد ما تاخد لون
  13. تقدم مع المكرونه او الرز الابيض والرز بشعريه 😋😋
عجبتك الوصفة؟
شوف كل وصفاتنا في مكان واحد
كل الوصفات →