→ كل الوصفات

فراخ بالفرن بأسهل واسرع تتبيلة

وصفة سهلة وكل مكونات بتبقى موجودة ف اي بيت ف تعتبر اقتصاديه مش محتاجه تشتري مخصوص علشان تعمليها خصوصاً لو العزومة عندك فجأة هتشرفك وفي نفس الوقت مش هتكلفك وتقدري تعمليها بحب ومن قلبك علشان يوصل نفسك الحلو لأهل بيتك💕💞⁦❤️⁩ هتعجبكم بإذن الله ⁦❤️⁩ #طبختها_بحب #وصفات_بالدجاج

  • فرخه مقطعه 5 قطع منزوعة الجلد
  • 2 بصلة متوسطة مقطعة حلقات
  • 2 طماطم مقطعه حلقات
  • ملح وفلفل اسود حسب الرغبه
  • م ص كمون
  • رشة جوزة الطيب
  • 2 ورق لورا
  • 2 حبهان
  • عود قرفة او 1/2 م ص قرفة بودر
  • 2 م ك صلصة
  • رشة ملح وفلفل
  • 1/2 م ص بهارات فراخ (طريقة في وصفات عندي)
  1. بعد ماتغسلي الفراخ كويس اوي وتنزعي الجلد هتبدأي تعملي كذا شرطه بسكينه ع فراخ علشان لما نتبلها التتبيلة تدخل فيها لجوة
  2. هتجيبي بولة او صينيه هتحطي بصل حلقات و الطماطم حلقات وملح وفلفل و ورق لورا و كمون وجوزة الطيب وعود القرفه و حبهان ونخلطهم مع بعض
  3. بعدين نحط الفراخ عليها ونخلطهم مع بعض في حالة انك مش مستعجلة عليها تقدري تحطيها ف تلاجه لمدة ربع ساعة لو مستعجله هتكملي باقي خطوات عادي
  4. بعدين هتحطيها ف طاجن او صينيه فرن مدهونه و في بولة صغيره هخلط صلصه مع ملح وفلفل وبهارات فراخ وادهن بيها الفراخ من الوجه جيدا واحط ١/٢ فنجان ماء حوالين الفراخ لأن الفراخ لسه هتنزل ماء بتاعها
  5. بغطيها بورق فويل وادخلها الفرن وبعد ما يعدي نصف ساعة هفك ورق الفويل و اسيبها تكمل تسوية بس ف حاله انها اتشربت تماماً ازودلها شوية مية صغيرين تاني لحد ماتستوي وبعدين شغلي الشوايه علشان تاخد لون وتقدميها بألف هنا ⁦♥️⁩
  6. هي بتاخد ساعة ف الفرن بس لو حجمها كبير ممكن تاخد اخرها ساعة ونصف
عجبتك الوصفة؟
شوف كل وصفاتنا في مكان واحد
كل الوصفات →