→ كل الوصفات

فراخ بانية😋💓

طريقة سهلة لعمل الفراخ البانيه في خطوات سهلة وطريقة تفريزها لأستخدامها في شهر رمضان😍 #تجهيزات_رمضان

  • 1 كيلو صدور فراخ
  • 1 بصلة كبيرة مبشورة
  • 3 فصوص ثوم مهروس
  • 3 ملاعق كبيرة خل
  • 1 عصير ليمونة
  • 1 علبة من الزبادي
  • 1 بيضة
  • 1/2 كوب لبن
  • 1/2 ملعقة صغيرة فلفل اسود
  • 1/2 ملعقة صغيرة بابريكا
  • 1/2 ملعقة صغيرة ملح
  • 1/2 ملعقة صغيرة بهارات فراخ
  • بقسماط لتغطية الفراخ
  1. أولا إغسلي الفراخ كويس جداً بالماء والخل والملح والليمون وبعدين قسمي كل صدر إلى 3 أو 2 حسب سمك الصدر بتحبي رفيع ولا سميك براحتك 😍
  2. إحضري طبق غويط وحوطي فية كل التتبيلة الزبادي والبصل والثوم والخل والملح والفلفل والبابريكا وبهارات الفراخ واللبن والبيضة وقلبيهم مع بعض كويس وبعد كدة ضيفي صدور الفراخ للتتبيلة الحلوة دي وسيبيها ساعتين او أكتر او أعمليها من بليل بتكون أفضل😍
  3. جيبي بعد كدة البقسماط ولو بتحبي تحوطي علية فلفل وملح وبهارات حوطي ولو مش عايزة استخدمية سادة كدة بيكون حلو بردو وبعدين غلفي صدور الفراخ بالبقسماط كويس وأضغطي عليها وإنتي بتغلفيها بالبقسماط 😍
  4. خلصي بئا كل الكمية وجيبي أطباق فوم وحوطي فيها الفراخ قسميها على العدد إللي محتاجاه وعلى عدد أفراد الأسرة وبعدين خطية بالبلاستك الأسترتش ودخليها الفريزر ولو عايزة تخزني كمية اكبر جيبي 2 أو 3 كيلو براحتك وأعمليهم بنفس الطريقة بس هتضعفي المقادير في التتبيلة 😍
  5. ملحوظة :لو هتعملي البانية وتستخدمية على طول من غير تفريز لازم تدخلي الفراخ البانية الفريزر 10 دقائق قبل التحمير عشان متفكش منك😍
  6. لو هتستخدميها بعد التفريز طلعيها من الفريزر قبل التحمير ب1/4 ساعة وبعدين حمريها وقدميها بعد كدة بجد حلوة وسهلة جربيها هتعجبك جدا👌 وبالعافيه عليكى حبيبتي يارب 😘💓🌹🤗
عجبتك الوصفة؟
شوف كل وصفاتنا في مكان واحد
كل الوصفات →