→ كل الوصفات

فراخ بانيه بدون بيض و قشرة ثابته

طبعاً كلنا بنعمل الفراخ البانية و آخر شطارة لأنها صنف سهل بس كل واحد له تكة صغيرة كدة انا كنت بعملها زي كل الناس عادي بمية بصل و بيض و فجاه قررت اغير و في نفس الوقت الكافر لا وقع و لا نزل و لا اي حاجة

  • كيلو فراخ بانيه
  • زجاجة لبن رايب 250 مل
  • ملح و فلفل حسب الرغبة
  • معلقة صغيرة بصل بودرة و بابريكا
  • 2كوب بقسماط
  • ½ كوب نشا
  • نفس توابل الفراخ
  • ملح و فلفل
  • و بصل بودرة
  • و طبعاً حسب الرغبة
  1. في وعاء عميق نضرب الرائب مع التوابل و تبدء ننزل شرائح الفراخ المغسولة و المتصفية من الماء تماما..اللبن بيطري لحم الفراخ جداً
  2. نترك الفراخ ف اللبن الرائب ليلة أو على الاقل 6ساعات..و نحضر خليط البقسماط مع النشا و التوابل و تبدء ننزل بشرائح الفراخ و نضغط كويس بالشكل دة و نرصه على صينية و ندخله الثلاجة ربع ساعة قبل القلي
  3. و نقلي ف زيت غزير متوسط الحرارة بتفضل القشرة ثابته و الزيت نضيف
  4. الفراخ طرية جداً من جوة و الغلاف مقرمش و ثابت
  5. الف هنا جربوها بجد هتعجبكم اوي و هتحسوا بالفرق
عجبتك الوصفة؟
شوف كل وصفاتنا في مكان واحد
كل الوصفات →