→ كل الوصفات
#فراخ بانيه بأحلى طعم😋❤️👌 طريقة الفراخ البانية دي بدون بيض ولا دقيق ومن أسهل وأحلى الوصفات إلى ممكن تعمليها وطعمها حلو جداً جربيها هتعجبك جداً🤗😍 #تحدي_الدجاج
المقادير
- 1/2 كيلو فراخ بانيه
- 3 ملاعق كبار خل
- عصير ليمونة
- 1/2 ملعقة ملح
- 1/2 ملعقة فلفل أسود
- 1/2 ملعقة بابريكا
- 1/2 ملعقة بهارات فراخ
- 1 بصلة مبشورة
- 3 فصوص ثوم مفروم
- 1/2 كوب لبن
- 2 ملعقة كبيرة زبادي
- بقسماط
طريقة التحضير
- أولا نقطع صدور الفراخ كل صدر 3 قطع بالطول وممكن لو عايزة تصغري حجم البانية أقسمي الصدر نصفين وقسمية شرائح بالطول زي ما تحبي سمك الفراخ تخين أو رقيق براحتك وأغسلي الفراخ كويس بالخل والملح وبعدين صفيها من الماء ☺️
- نحضر طبق غويط ونضع فية البصل والثوم والخل والملح والليمون وكل البهارات واللبن والزبادي ونقلبهم مع بعض كويس بعد كدة نضيف صدور الفراخ إلى التتبيلة ونقلبهم مع بعض ونسبها في التتبيله حوالي ساعتين أو أكتر يكون أحسن☺️ ونغطيها ببلاستك وندخلها الثلاجة أو غطيها بأي حاجة مناسبة
- بعد كدة نجيب طبق كبير ونضع فية البقسماط ونجيب صدر من صدور الفراخ ونغلفها كلها بالبقسماط ونضغط عليها كويس من الجانبين ونكمل كل الكمية بالشكل دة ونضعهم في طبق وندخلها الفريزر ١/٤ ساعة لازم ندخلهم الفريزر عشان البقسماط متفكش معانا وإحنا بنحمرها☺️
- بعد كدة نجيب مقلاية ونضع فيها زيت ونسخنها ونحمر فيها صدور الفراخ على نار متوسطة مش عالية لحد لما تأخذ لون ذهبي حلو ونطلعها نضعها في طبق عليه مناديل مطبخ عشان تتشرب الزيت بس كدة وقدميها بئا مع معكرونة ممكن ساندوتشات ومعاها بطاطس محمرة براحتك إلى تحبية ويارب تجربيها وتعجبك🤗❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد