→ كل الوصفات
#نكهة_عربية فراخ بانيه بتتبيلة مميزة جداً وبدون بيض ودقيق سهلة وطعمها تحفة بجد👌😍
المقادير
- 1/2 كيلو صدور فراخ
- 1 بصلة مبشورة
- 4 فصوص ثوم مهروس
- 3 ملاعق كبيرة خل
- 1 عصير ليمونة
- 1 علبة زبادي
- 1/2 كوب لبن
- 1/2 ملعقة صغيرة فلفل اسود
- 1/2 ملعقة صغيرة ملح
- 1/2 ملعقة صغيرة بابريكا
- 1/2 ملعقة صغيرة بهارات فراخ
- 1/2 ملعقة صغيرة كزبرة ناشفة
- 1 كوب بقسماط
طريقة التحضير
- أولاً نقطع صدور الفراخ إلى نصفين أو ثلاثة بالطول وبعد كدة نغسل صدور الفراخ كويس جداً بالخل والملح والليمون ونصفيها كويس من الماء☺️
- نحضر طبق غويط ونضع فية الزبادي واللبن والبصلة المبشورة والثوم والملح والفلفل والبهارات والخل والليمون وكل التوابل الموجودة في المكونات ونخلطهم مع بعض كويس وبعدين نضيف على الخليط صدور الفراخ ونسبها في التتبيلة حوالي ساعتين أو أكتر يكون أحسن أو نعملها من بليل ونضعها في الثلاجة براحتك حسب وقتك☺️
- بعد كدة نحضر الفراخ ونحضر طبق ونضع عليه البقسماط ونضع على البقسماط حبة ملح وفلفل وكزبرة ناشفة ونقلبهم مع البقسماط ونغلف صدور الفراخ كلها بالبقسماط ونضعها في طبق وندخلها الفريزر ١٠ دقائق وبعدين نحمرها في الزيت بعد كدة ولازم نضعها في الفريزر عشان البقسماط متفكش في الزيت☺️
- قدميها بعد كدة ممكن تاكليها مع معكرونة أو ساندوتشات وبطاطس محمرة زي ما تحبي وبالهنا والعافية يارب 😍💓🌹🤗
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد