→ كل الوصفات

فراخ بانيه

#الشيف_الذهبي

  • 1/2 كيلو صدور فراخ متقطعة بانيه
  • 1 حبة بصل كبيرة
  • 1 معلقة كبيرة عصير ليمون
  • 1 معلقة كبيرة خل
  • 1/2 معلقة صغيرة (فلفل أسود - بابريكا - زعتر)
  • رشة ملح وشطة حسب الرغبة
  • 3 معالق كبيرة زبادي
  • 1 كوب دقيق
  • 1 كوب بقسماط
  • 2 معلقة كبيرة نشا
  • 2 حبة بيض
  • 1 معلقة صغيرة بهارات فراخ
  • 1 معلقة صغيرة خل
  • 1 معلقة كبيرة ماء
  • رشة ملح وفلفل
  1. هنفرم البصلة ناعم جدت ونصفي الماء اللي فيها
  2. في بولة هنضيف ماء البصل وعليه الزبادي وكل التوابل ونخلطهم كويس مع بعض لحد ما يبقى قوامهم كريمي
  3. نضيف التتبيلة على شرايح الفراخ ونغطيها كويس ونسيبها في الثلاجة ليلة كاملة
  4. هنجهز خليط التغطية.. في طبق هنضيف البيض وعليه ملعقة صغيرة من الخل ومعلقة كبيرة من الماء ورشة ملح وفلفل اسود ونخلطهم كويس جداً
  5. في طبق تاني هنضيف الدقيق وطبق تالت هنضيف البقسماط وعليه بهارات الفراخ والنشا ونخلطهم كويس مع بعض
  6. هنطلع البانيه من التتبيلة ونصفيها كويس جداً وبعدين نحط كل شريحة بانيه في الدقيق وبعدين البيض وبعدين البقسماط
  7. نضغط عليها كويس في البقسماط عشان يمسك فيها
  8. بعد كدا نحمر البانيه في زيت غزير وسخن لحد ما ياخذ لون ذهبي حلو وبس كدا 😋
  9. ملحوظة.. يفضل انك لما تخلصي واحدة بانيه تحمريها على طول في الزيت عشان الكفر بتاعها يمسك فيها وميبقاش منفصل عن شريحة البانيه ❤️
عجبتك الوصفة؟
شوف كل وصفاتنا في مكان واحد
كل الوصفات →