→ كل الوصفات
فراخ بانيه بطريقه مختلفه غير تقليدية
المقادير
- 1 صدور دجاج
- 1 بصله مبشورة
- ملح
- فلفل اسمر
- كمون
- كزبرة ناشفه
- شطه (حسب الرغبه)
- 1 طماطماية مبشورة (حسب الرغبه)
- 1 بيضه
- كوب بقسماط مع بهارات او فيجتار
طريقة التحضير
- نغسل الصدور جيدا ونقطعها زى ما نحب
- نجيب طبق او بولة نحط فيه بصله مبشورة والبهارات وادعكهم ببعض كويس اوي واحط عليهم البيضه واقلبهم مع بعض والمرة دي حطيت طماطماية مبشورة خلت طعمها احلى واحلى
- احط عليهم الفراخ واشيلها في التلاجه ممكن من بليل وممكن في نفس اليوم عادى تعمليها وتشيلها لحد ما تخلصي باقي الاكل وتبقي تقليها
- اخر خطوة ممكن تقلي ببقسماط عليه بهارات او فيجتار بس هي مش هتحتاج لفيجتار لان التتبيله فيها بهارات كتير جبت طبق حطيت فيه شوية دقيق وحطيت عليه شوية بهارات وخدت حته حته من التتبيله لطبق الدقيق واقلي
- بالهنا والشفا الشكل اللي قدامكم دا لسه حالا وطعمها حلو اوي اتمنى تعجبكم طعمها حلو وغير البانيه العادي اللي بتغمسوها الاول بالبيض وبعدين بالفيجتار ومش مكلفه ولا حاجه وانتو بتاكلوها هتحسو انكم في كنتاكى لان بتبقا من فوق في طبقه مش لازقه في الفراخ
- انا اسفه طولت في الكلام بس بشرحلكم بقا :d
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد