→ كل الوصفات

فراخ بروستد

طريقة عمل فراخ بروستد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 8 قطع فرخة مقطعة
  • 1 كوب لبن حليب
  • 1 كوب لبن زبادي
  • ملعقة صغيرة توم بودر
  • ملعقة صغيرة بصل بودر
  • رشة سكر
  • ملعقة كبيرة زعتر
  • ملعقة صغيرة بابريكا
  • ملح
  • فلفل اسود
  • دقيق
  • نشا
  • بيكنج بودر
  1. هنخلط اللبن والزبادي وكل البهارات ع بعض وننقع فيها الفراخ لمدة ليلة كاملة
  2. هنجيب حلة كبيرة ونحط فيها مياه تغلي ونحط عليها مصفاة من غير ما المياه تكون لامساها وهنصفي الفراخ من التتبيلة السايلة ونرصها ف المصفاة ونغطي عليها ونسيبها نص ساعة
  3. في التتبيلة اللي كنا ناقعين فيها الفراخ هنضيف كوباية دقيق ونص كوباية نشا ومعلقة بيكنج بودر بحيث يتكون خليط سمكه متوسط
  4. ف بولة هنحط كوباية دقيق وكوباية نشا ومعلقة بيكنج بودر وهنضيف كل البهارات اللي تبلنا بيها الفراخ ولو حابين تكون سبايسي هنضيف شطة
  5. هناخد الفراخ من المصفاة للخليط السايل لخلطة الدقيق وننفضها كويس بحيث يكون شكل كافر الدقيق عليها عشوائي
  6. في زيت غزير ساخن هنضيف الفراخ لحد ما تاخد لون دهبي وهنطلها وتتقدم بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →