→ كل الوصفات
#اطباق_رمضان
المقادير
- فرخه متوسطه مقطعه ل8قطع
- كوب ونص لبن رايب او زبادي
- توم بودر
- بصل بودر
- بابريكا
- كاري
- زعتر
- شطه
- ملح ،فلفل اسود
- 4 اكواب دقيق
- 3/4 كوب نشا
طريقة التحضير
- بنغسل الفرخه كويس جدا ونكون مقطعينها 8 او 12 حسب مانحب ونراعي انها مينفعش تكون اكبر من كيلو ونص عشان تستوي كويس
- هانخلط التوابل كلها مع بعض ونقسمها نصفين
- هانخلط نص التوابل مع اللبن الرايب والملح حسب الرغبه وننقع الفراخ في الرايب لمده ليله كامله او 12 ساعه عالاقل عشان تشرب التتبيل والانسجه بتاعتها تطرى
- نخلط الدقيق والنشا وباقي التوابل ونطلع الفراخ من التتبيله ونحطها في الدقيق ونضغط جامد من غير ما ننفضها نضغط بس
- لو حابين نزود طبقه الكراست ننزل بالفراخ بعد مرحله الدقيق في طبق في ميه ساقعه ونطلعها بسرعه نرجعها تاني عالدقيق وده هايزود طبقه الكراست والقرمشه
- مرحله القلي الزيت لاااااازم يكون غزييييييير وسخن بحيث يكون مغطي معظم قطعه الفراخ ننزل بقطع الفراخ وبلاش نحط قطع كثير عشان تستوي كويس
- النار تكون عاليه ننزل بالفراخ خمس دقايق ونهدي النار ‘نسيبها حوالي سبع دقايق وبعدين نقلبها ونسيبها خمس دقايق لحد مانتاكد انها استوت ونطلعها ع ورق مطبخ وبألفففف هنا😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد