→ كل الوصفات
حاجه كدا سهلة وبسيطه والطعم ولا احلى رهيييبه حرفيا جربوها مش هاتندمو ابدا مش هاتاخد منك وقت ولا مجهود جربوها #ع_طريقتي ولا احلى 🫶🏻🌹
المقادير
- 1/2 كيلو شرايح بانيه
- علبه زبادي
- 3 م ك مسطرده (خردل)
- 2 ليمون كبيره
- 4 فصوص ثوم مهروس
- م ك صوص باربيكيو
- فلفل اسود
- ملح
- رشه هيل ناعم
- 2 مكعب زبدة وسط
- 4 فلفل رومي
- بصلة
طريقة التحضير
- هانخلط كل التوابل مع الزبادي والليمون ونقلبهم كويس هانضيف الثوم المهروس ونقلب تاني
- بعد ما نغسل الفراخ من الزفاره هانصفيها كويس وننزل بيها في الخلطه ونخليها مش اقل من ساعة ويااه ولو باتت في الثلاجه
- على الجريلا هاندهنا ب مسحه زبدة بعد ما تسخن ونبدأ ننزل بشرايح الفراخ لحد ما تستوي وتأخذ اللون الذهبي... نطلعها على جنب ونبدأ ننزل بشرايح الفلفل الرومي مع البصل ومكعب زبدة صغير ونشوحهم لحد ما يدبلو وبعدين نرص فوقيهم شرايح الفراخ اللي استوت ونغطيهم 5 دقائق وبعد كدا نطفي بقي ونقدمها 🫰🏻 و بالهنا والشفا 🫶🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد