→ كل الوصفات

فراخ سويت اند ساور بالنودلز 🥘

sweet and sour chicken وتعني طبق الدجاج الحامض الحلو. هو طبق من الدجاج الصيني الحلو الحامض وذلك لوجود الطعم الحلو و الطعم الحامض في مكونات الطبق ، يتكون الطبق من مكعبات الدجاج المقلية و المضاف اليها خضروات مشوحة (جزر - فلفل حلو - بصل) مع صوص مكون من صوص الصويا والملح والسكر كما أنه يجب تناوله ساخنا فور طبخه لأن طعمه لا يصبح مستساغا إذا ترك ليبرد وأعيد تسخينه. النهاردة عملته بس بطريقتي والنتيجة ولا اروع جربوها ومش هتندموا 😉 ،،

  • 2 صدر دجاج مقطع مكعبات
  • رشة من
  • ملح
  • فلفل
  • زنجبيل
  • بهار فراخ
  • م ص صويا صوص
  • 2 م ك دقيق
  • م ك نشا
  • زيت غزير للقلي
  • فلفل الوان (احمر ، اصفر ، اخضر)
  • جزرة صغيرة
  • كوسة صغيرة (اختياري)
  • بصلة بيضة مقطعة مكعبات صغيرة
  • م ص ثوم مفروم
  • مكعبات اناناس (ان وجد اختياري)
  • م ك صويا صوص
  • م ك صلصة او كاتشب
  • م ص سكر بني او (ملعقة صغيرة سكر ابيض عليه رشة عسل اسود)
  • 1/2 كوب عصير اناناس + نص كوب ماء
  • 2 م ص نشا
  • 1/2 م ص فلفل اسود
  • م ص بابريكا
  • مكعب ماجي
  • نودلز مسلوقة او معكرونة شرايط او اسباجتي
  • رشة سمسم للوجه
  1. الفراخ : تبلتها بالتتبيلة السابقة وبدرتها في خليط الدقيق والنشا وقلتها في زيت غزير ساخن وتركتها جانبا ،
  2. الصوص : في طاسة غويطة حطيت زيت ونزلت ملعقة الثوم يادوب ريحته طلعت نزلت الخضار كله ، والخضار المفروض يكون بيعض كدة يعني مش مستوي اوي (بس انا زودتله السوا شوية عشان بحبه كدة) ، ونزلت عليهم فلفل اسود وبابريكا ومكعب ماجي وشوحت كله مع بعضه كويس ، بعدين نزلت الصلصة والصويا صوص وكوب (عصير الأناناس والماء) المذاب فيه النشا ، وقلبت كله مع بعضه لحد لما الصوص تقل ،
  3. بعدين نزلت عليها النودلز المسلوقة وقلبت كله مع بعضه ، نزلته في طبق التقديم ورشيت عليه سمسم وبالف هنا 🙂
  4. بجد الناس اللي بتحب الاكل سويت اند ساور هيحبوا الوصفة دي جدددا الطعم فيها مظبوط وصيني صيني يعني مش هزار 😉
عجبتك الوصفة؟
شوف كل وصفاتنا في مكان واحد
كل الوصفات →