→ كل الوصفات
طريقة عمل فراخ شاورما سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- دجاج مخلي من العضم حسب عدد الاشخاص
- علبة زبادي
- معلقة ونص صغيرة قرفة
- 0.25 معلقة صغيرة بابريكا
- 0.5 معلقة صغيرة كركم
- عصير نص لمونة
- حبة فلفل رومي اخضر
- حبة فلفل رومي احمر
- حبة فلفل رومي اصفر
- بصلة متوسطة الحجم
- 2 حبة طماطم
- قطعة فحم (اختياري)
طريقة التحضير
- نقطع الفراخ شرايح زي كده
- نضع الزبادي و القرفة و البابريكا و الكركم و عصير النصف لمونة علي شرائح الفراخ(لما تعصري اللمونة ما ترميش قشرتها حطي قشر اللمون في كيس في الفريزير و لما تيجي تقلي سمك ارمي قشر لمونة في الزيت عشان يضيع ريحة الزفارة من البيت)
- بعد ما حطيتي التوابل و الزبادي قلبيهم كويس مع الفراخ لحد ما يمتزجوا و غطيها و حطيها في التلاجة تتبل علي الاقل 5 ساعات
- قطعي البصل والطماطم و الفلفل الرومي الالوان شرايح و حطي البصل في طاسة فيها شوية زيت و قلبيه لحد ما يدبل شوية وبعدين ضيفي الطماطم والفلفل الالوان علي البصل و سيبيهم ياخدو لون دهبي
- بعد ما الفراخ اتبلت حطيها في طاسة فيها حوالي اربع معالق كبار زيت و قلبي لحد ما المياه اللي فيها تقل شوية اعملي حفرة وسط الفراخ و حطي فيها قطعة الفحم ملفوفة بورق فويل
- لما الفراخ تستوي قدميها مع باذنجان مقلي و بطاطس صوابع و شرايح البصل و الفلفل و كاتشب و مايونيز
- انا كنت بجيب رغيف من العيش العادي بتاعنا و احط فيه كل حاجة الفراخ مع البطاطس و الباذنجان و الشرايح بتاعت البصل و الفلفل و الطماطم و كاتشب و مايونيز و يا سلام بقي لو كام عود جرجير كده في قلب الساندوتش و اقفل الساندوتش و افترسه الرغيف بيقفل بالعافية من كتر الحاجات اللي فيه
- و بالهنا و الشفا هتدمنوها و اهي اكلة سريعة و مش مكلفة
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد