→ كل الوصفات

فراخ في الكيس الحراري مع أرز بسمتي 😋❤️

احلا فراخ مشويه بالخضار تشرفگ ف اي عزومه بتتبيله مميزه وتنفع ف يوم من ايام رمضان اكله بسيطه وسريعه اول ما كلته كنت من ايد عمتو اخت جوزي بس عجبتني جدا وحبيت اجربه معاكم ❤️😘

  • 2 فرخه بيضاء وسط
  • ليمون
  • خل
  • ملح حسب الرغبة
  • 1/2 م زنجبيل
  • 3 حبات كوسه
  • 3 حبات بطاطس
  • 2 حبه جزر
  • حبه طماطم
  • 10 فصوص توم
  • 250 جرام كاتشب أو مايعادل 8معالق او ممكن يستبدل بصلصه
  • م كمون
  • 1/2 م فلفل اسود
  • 1/2 م سبع بهارات
  • م ك بهارات فراخ
  • م ص سكر
  • 2 معلقه ملح
  • مرقه دجاج
  • حبهان
  • ورق لورا
  • عود قرفه خشب
  • معلقتين زيت
  • كيس حراري
  • كيلو وربع أرز بسمتي
  • كيس خلطه ارز الكبسه
  • ورق لورا
  • حبهان
  • عود قرفه
  • 2 مرقه دجاج
  • 1/2 م صغيره ملح
  • 1/4 م كمون
  • كوب زبيب
  1. الاول هنغسل الفراخ حلو بالمياه والخل والملح وبعدين نصفي المياه ونغسله تاني باليمون والزنجبيل ونتركه شويه
  2. نقشر الكوسه والبطاطس والجزر والتوم وبعدين نقطعهم مكعبات ونقسم التوم نصفين ونغسله كويس
  3. ف طبق هنحط الكاتشب او الصلصه وعليهم المرقه والكمون والفلفل الاسود والبهارات الفراخ والسبع بهارات والملح ورق الورا والحبهان والقرفه ومعلقتين الزيت والسكر وبعدين نقبلهم كويس مع بعض كده عشان نتبل بيه الفراخ والخضار
  4. وننزل بربع الصلصه ع الخضار ونقلبهم ف بعض وبعدين باقي الصلصه ندهن بيه الفراخ من بره ومن جوه كويس اووي
  5. ونجيب الكيس الحراري ونحط الفراخ وجمب منه الخضار وبعدين نقفل الكيس ونطلع منه الهواء ونجيب السكينه ونخرم الكيس خرمين من الجناب صغيرين وبعدين نجيب صنيه ونحط نصفه مياه مغليه ونحط عليه شويه خل عشان الصنيه متسودش ونحط اكياس الفراخ فيها وتدخل الفرن
  6. نشغل الفرن ع نار عاليه وبعدين نحط الصنيه لحد اما تغلي وتستوي ع البخار ولو المياه خلصت ولسه مش استوت نزود مياه تانيه عادي انا طلعته اهو ومستويه ولسه معه مياه اهو مش زودت عليه
  7. ف حله ع النار هتقطع بصله صغيره تتحمر وننزل بالزبيب يحمر شويه وبعدين نحط كيس الخلطه والقرفه والمرقه وباقي البهارات ونقلب ونغسل الارز حلو ننزل بيه ف الحله ونقلب وبعدين نضيف المياه تغطي الارز بس مش كتير
  8. اول مايغلي ويتشرب مياه نوطي عليه ع الاخر ونسيبه لحد اما يستوي ويتقدم بالهنا والشفاء
  9. وتتقدم الوصفه دي مع صحينه وسلطه وعيش أبيض وبالهنا والشفاء ❤️
عجبتك الوصفة؟
شوف كل وصفاتنا في مكان واحد
كل الوصفات →