→ كل الوصفات

فراخ في الكيس الحراري والأرز بالكبد والقوانص

طريقة عمل فراخ في الكيس الحراري والأرز بالكبد والقوانص سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • فرخه مقطعة كبير في حدود 2 ونص كيلو
  • 1/2 معلقه بشر يوسفي (افندي) 🍊
  • 2 معلقه مسترده (خردل)
  • 2 ملعقة خل ابيض
  • 1 بصله متوسطه
  • حبة طماطم
  • 3 ملاعق زيت
  • نص ملعقة قرفة وزنجبيل
  • معلقه ملح ومكعب مرقه
  • فص حبهان مطحون
  • 1/2 معلقه فلفل اسود
  • 1/2 ملعقة كبابه صيني
  • 1/2 معلقه روز ماري
  • 1/2 معلقه ورق لوري مطحون
  • مكونات الأرز
  • 2 كوب ارز
  • بصله متوسطه
  • 2 كوب ماء أو شوربه
  • 3 ملاعق زيت
  • 1/4 كيلو كبد وقوانص
  • نص ملعقة كركم
  • ملعقة بهارات مشكله
  • ملعقة ملح
  1. في الكبه أو الخلاط ضيفي البصل مع الطماطم والزيت وباقي التوابل كلها واضربيهم كويس جداً دوقي الخليط وشوفي إذا كان محتاج ملح
  2. ضيفي الخليط على الفراخ وحركيهم كويس ويفضل تترك ساعتين ضيفي الفراخ في كيس حراري وتدخل الفرن من ساعة إلى ساعتين حسب حجم الفراخ ولم تتأكدي انها استوت افتحي الكيس علشان تأخذ لون حلو بس خلي بالك على ايدك
  3. ولعمل الأرز المبهر على النار ضيفي الزيت والبصل ياخذ تشويحه خفيفه وضيفي القوانص والكبده وقلبيهم شويه اول ما لون الكبده يتغير انزلي بالملح والتوابل والأرز قلبيهم شويه وضيفي الماء أو الشربه المغليه وأول ما يتشرب الماء هدى النار عشان يستوي
  4. ملحوظه القوانص اديها نص سلقه لوحدها عشان بتأخذ وقت في التسويه
  5. بعد ما يستوي الأرز اغرفيه في طبق وضيفي عليه الفراخ وبألف هنا 🌹💜
عجبتك الوصفة؟
شوف كل وصفاتنا في مكان واحد
كل الوصفات →