→ كل الوصفات

فراخ كاري بالطريقة الهندية

#وصفات #هندية #فراخ وصفة سهلة وطعمها روعة

  • 2 بصل مفروم
  • 2 توم مهروس
  • 2 طماطم مفرومة
  • 1/2 كوب كريمة اللباني للطبخ
  • ماء ساخن من 2 الى 3 كوب
  • جبن موزاريلا
  • 2 م ك كاري
  • 1/2 ك صدور فراخ مقطعه قطع صغيره او مكعبات
  • زيت
  • 2 تفاح مفروم
  1. طاسة ع نار هتحطي فيها زيت وهتشوحي الفراخ لحد ماتنضج وتقفلي عليها
  2. هتجيبي حلة هتحطي زيت ولما يسخن هنحط بصل وتوم وهنقلب ٥ دقايق لحد مايدبلو
  3. هنضيف عليهم طماطم وتفاح والكاري والملح ولو عايزاها مشطشطة او سبايسي تقدري تحطي فلفل وشطه
  4. هنقلب ١٠ دقايق ع نار هاديه وهننزل بالميه السخنه ونغطي الحبه ونسيبها لمده نص ساعه ع نار ونبص عليها كل شويه
  5. هنقفل عليها ونسيبها تهدي شويه وبعدين هنضربها ف الخلاط لحد ماتديني صوص شكله ناعم كده
  6. هنرجع صوص للحله تاني ع نار وهنحط عليه الفراخ ونقلب وننزل بالكريمه اللباني والجبنه الموزاريلا ونقلب ١٠ دقايق ونقفل عليها
  7. تقدري تقدميه مع طبق رز ابيض و بألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →