→ كل الوصفات

فراخ كنتاكى fried chicken

او فراخ كنتاكى الطريقه الاصليه بطريقه الشيف محمد الديب حقيقي نفس الطعم واحلى كمان 💙

  • 6 وراك فراخ
  • 3 معالق شطه
  • معلقه كبيره توم بودر
  • معلقه كبيره ملح
  • 5 اكواب دقيق
  • معلقه كبيره ونص نشا
  • اقل من ربع معلقه صغيره بيكربونات الصوديوم
  1. اول حاجه بغسل الفراخ كويس جدا و بعدها بقطع الورك ٣ حتت لو وراك صغيره يبقا نقطعو على ٢ بس
  2. بعمل التتبيله الشطه و التوم البودر و الملح و بحط عليهم ٢ كوب ماء و بقلب كل دا و بحط الفراخ في كيس كبير نضيف و عليها الخلطه و بحطها في التلاجه لتاني يوم
  3. الغلاف بقا بحط الدقيق على النشا و ال بيكربونات و في طبق تاني ميه ساقعه و بمسك كل ٣ قطع بحطها في الدقيق وبقلبها من فوق لتحت وبعد كده بنفض من عليها الدقيق بتديني شكل التعريج بتاعه الغلاف وبعدها بحطها في ميه لمده ثانيتين وبشلها وبرجع احطها تاني في الدقيق وبقلبها تاني من فوق لتحت وبعد كده بنفض من عليها الدقيق بتديني شكل التعريج بتاعه الغلاف وبعدها بحطها في الزيت و مش بعملها الغلاف و اركنها لا كدا شكلها بيروح انا بنفضها من الدقيق على الزيت على طول
  4. بعدها بطلع الفراخ على شبكه مش مناديل كدا هتطري اول ما تطلع من الزيت بحطها على شبكه تصفي الزيت و بتفضل مقرمشه عند التقديم بقا بحط تحتها مناديل عادي
  5. وبس كدا بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →