→ كل الوصفات
طريقه سهله وبسيطة ونتيجه تحفه لعمل الفراخ المقرمشه في البيت #فراخ #فراخ_مقرمشة #فراخ_بروستد #كنتاكي
المقادير
- 2 فرخه مقطعه علي 8قطع
- 1 لتر لبن
- معلقه كبيرة ملح
- معلقه صغيرة فلفل اسود
- معلقه صغيرة توم بودرة
- معلقه صغيرة بصل بودرة
- معلقه صغيرة بابريكا
- ½ معلقه جنزبيل بودرة
- 3 معالق كبار دقيق
- ½ كيلو دقيق
- ½ معلقه صغيرة ملح
- ½ معلقه صغيرة فلفل اسود
- ½ معلقه صغيرة بصل بودرة
- ½ معلقه صغيرة توم بودرة
- ½ معلقه صغيرة بابريكا
- ¼ معلقه صغيرة جنزبيل
طريقة التحضير
- تغسل الفراخ كويس وتقطع علي ٨قطع و بسكينه صغيرة نعمل فتحات صغيرة فيها
- وفي بولة كبيرة نحط اللبن و التوابل والدقيق ونقلبه كويس ونزل فيه الفراخ (ولازم اللبن يكون مغطي الفراخ خالص) ونسيبه كده لمده ١٢ ساعه
- نجيب طبق كبير أو صنيه نحط فيها الدقيق و التوابل (الغلاف الخارجي) ونقلبهم كويس ونزل فيها قطع الفراخ ونغلفها كويس في الدقيق
- وبعدين نرجع ننزله تاني في اللبن والتوابل(علشان ياخد طبقه مقرمشه حلوة)
- ونرجع ننزل في الدقيق مرة تانيه
- ندخله الفريزر ٥دقايق وفي الوقت ده طاسه كبييير علي النار نحط فيها الزيت ونسيبه يسخن شويه علي نار عاليه وننزل بقطع الفراخ عليها ونسيبها دقيقه من غير تقليب وبعدين نقلبها علي الجنب الاخر أول متبدء تاخد لون دهبي فاتح نهدي النار شويه ونسبها حوالي ٢٥ دقيقه مع التقليب كل ٥ دقايق علي الجنب التاني
- وبعد كده مطلعها علي شبكه علشان تتصفي كويس ونغطي وشها بمصفه كبيرة(علشان الطبقه الخارجيه تفضل مقرمشه ومتنشفش)
- وتقدم مع بطاطس محمرة
- وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد