→ كل الوصفات

فراخ كنتاكي مقرمشة

طريقة عمل فراخ كنتاكي مقرمشة في البيت بخطوات سهلة. المقادير: كيلو فراخ صغيرة الحجم دبابيس، 2 ونص كوب دقيق، 1/2 كوب نشا، ملح وغيرها.

  • كيلو فراخ صغيرة الحجم دبابيس
  • 2 ونص كوب دقيق
  • 1/2 كوب نشا
  • ملح
  • فلفل
  • كمون
  • بابريكا
  • كاري
  • كركم
  • ثوم وبصل بودرة
  • ماء حسب الحاجه
  • معلقه كبيره بقسماط بودرة
  • بيضه
  • 3 مرقة ماجي
  1. هنختار فراخ صغيرة الحجم مثلا كيلو أو بالكتير كيلو ونص وتتقطع قطع صغيرة حوالي ٨ قطع بس انا اشتريت دبابيس فراخ ونعمل فيها فتحات بالسكينه ونغسلها كويس
  2. ننقعها في محلول ملح وخل وطبعا عليهم ماء ونسيبها ليله كامله وجيت الصبح حضرت كوب دقيق عليه بهارات فراخ وباربكيو وشوية ملح صغيرين وفلفل وكمون وكاري وكركم وثوم وبصل بودرة (البهارات دي هنقسمها نصين) ونحط عليهم البيضه ومعلقة كبيره نشا وواحدة ماجي ونزود ماء لحد م تبقى زي عجينة الكريب ونقلب الفراخ فيها ونسيبها في الثلاجه ساعتين
  3. وباقي الدقيق هنضيف عليه النشا وباقي التوابل والبقسماط البودرة والبيكنج بودرة والنشا ومرقة ماجي ونقلبهم وبعد الساعتين نحضر حله فيها زيت غزير سخن ونقلب قطعة الفراخ في الخليط السائل وبعدين نحطها في الدقيق وتغطيها بالدقيق كويس ونفضيها تنفيضه خفيفه جداً وحطيها في الزيت والنار عاليه ٥ دقائق وبعدين تخففي وتغطيها لمدة 10 دقائق علشان تستوي وبألف هنا 😍
عجبتك الوصفة؟
شوف كل وصفاتنا في مكان واحد
كل الوصفات →