→ كل الوصفات
طعم مميز جدددا للفراخ والارز وطريقتها سهلة اوووي #طبيخنا_المصري
المقادير
- 2 فرخة حجم صغير (1100 ج)
- 3 بصلة مبشورة
- 2 ونص ملعقة صغيرة ملح
- م ص مليانة من كل (قرفة ، زنجبيل ، جوزة الطيب ، بهار فراخ)
- م ص فلفل اسود
- 2 ونص كوب ارز مغسول
- بصلة كبيرة مبشورة
- 1 طماطم كبيرة مبشورة
- 2 مكعب ماجي
- 2 م ص ممسوحة ملح
- م ص سكر
- م ص (قرفة ، جوزة الطيب ، زنجبيل)
- رشة فلفل اسود
- 2 ونص كوب ماء
- سمنة
طريقة التحضير
- اولا الفراخ : اخلط مكونات التتبيلة مع بعض كويس جداً ، وبعدين ابدا اتبل بيها الفراخ من جوة ومن برة وتحت الجلد كويس اوووي واسيبها في التتبيلة على الاقل ساعة ولو اكتر يبقى احسن ،،
- ثانيا الارز : في حلة اضع سمنة وانزل بالبصلة اشوحها وبعدين والطماطم اشوحها لحد لما تذبل وبعدين انزل بكل التوابل والسكر واضيف حوالي ملعقتين كبار ماء واقلبهم مع بعض شوية ،
- بعدين انزل بالارز والملح واقلبهم دقيقتين واضيف الماء واغطي الحلة واسيبه على النار ،
- وفي مرحلة نص السوي للارز اخد حوالي كوب من الارز المبهر وافردة في الصينية اللي هحط فيها الفراخ واضيف عليه كوب ماء ، بعدين اغطي على الرز لحد لما يشرب باقي مايته واهدي النار خالص لحد تمام السوي ،
- ثالثا مرحلة حشو الفراخ : اطلع الارز على طبق عشان يبرد وبعدين ابدا احشي الفراخ من جوة بالارز ومن تحت الجلد بس مش كتير وابدا اقفل الفرخة يا اما اخيطها او اضع رجلها في مؤخرة الفرخة ،
- اضع الفراخ على الارز في الصينية واضع معاها عود قرفة وروز ماري ان وجد وادهنها بالسمنة من فوق واغطيها بورقة زبدة ثم ورقة فويل ، وادخلها الفرن لحد لما تستوي وبعدين اشيل الفويل وافتح الشواية تأخذ لون وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد