→ كل الوصفات
طريقة عمل فراخ محشيه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخه سليمة
- 2 حبه بصل
- 2 حبه طماطم
- 2 حبه فلفل أخضر
- ½ كوب بقدونس وكزبره
- 4 فصوص ثوم للتتبيلة و4 فصوص للكبده
- ½ معلقه زعتر
- ½ م ص ملعقة فلفل
- ½ م ص ملح
- كيس حراري
- معلقتين طحينه
- ½ كوب لبن
- ¼ كوب خل
- معلقتين زيت (ذره او عباد الشمس)
- ليمونه مقشره
- ¼ ك كبده
- كوب أرز او لسان عصفور
طريقة التحضير
- نخلط حبه البصل وحبه الطماطم وحبه الفلفل والبقدونس واللبن والخل والليمونه والتوابل واللبن والثوم والزيت والزعتر في الكبه ونخلطهم كويس
- نتبل الفرخه كويس اووي بالخلطه دي وندخلها تحت جلد الفرخه كويس و في قلبها ونسيبها تتبل ليله كامله او ساعتين على الاقل
- نجيب الرز او لسان عصفور و نحمره الدرجه اللي نحبها و انا افضل نخليه قافل شويه في اللون ونحط ماء و نسيبه يستوي
- نقطع الكبده ونغسلها كويس ونقطع عليها بصله صغيرة وطماطم وفلفل وثوم نسبها تستوي وبعدين نخلطها على الأرز ونحشي بيه قلب الفرخه كويس ونقفلها من تحت بخله شيش طاووق او بخيط و ابره ونأخذ بالنا واحنا بنضف الفرخه منقطعش الرقبه
- نحط معلقتين طحينه في قلب الكيس الحراري ونوزعهم كويس وبعدين ندخل الفرخه فيه ونقفله بالرباط بتاعه ونعمل فيه فتحات في كل الجوانب عشان ميفرقعش في الفرن ونحطه في صينيه وندخلها على الفرن على نار هاديه وبعد ساعة نفتح الكيس براحه عشان الفرخه تأخذ لون وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد