→ كل الوصفات

فراخ محشيه 👍👌

طريقة عمل فراخ محشيه 👍👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • فرخه متوسطه
  • بصل
  • طماطم
  • 0.5 كوبايه رز
  • الكبده والقونصه بتوع الفرخه مقطعين
  • فص ثوم
  • قرن فلفل حامي🌶️ وممكن بارد
  • معلقه ملح
  • رشة فلفل اسود
  • رشة كمون
  • رشة كزبرة
  • رشة كركم
  • رشة كاري
  • 0.25 ملعقة قرفة
  • 0.25 ملعقة زنجبيل
  • 0.25 ملعقة حبهان
  • 0.25 ملعقة لورا
  • مكعب مرق
  • معلقه سمنه و ياسلام لو بلدي 👌
  • معلقه عسل ابيض
  • عصير طماطم
  1. هنغسل الفرخه كويس جداً ب دقيق ولمون
  2. الحشوه🌺 هنحط السمنه او الزيت في طاسه مثلا وننزل بالبصل والفلفل المفروم والكبد والقوانص ونشوحهم وننزل بالبهارات والملح ومكعب المرق ونقلب وننزل بالارز ونقلب كويس جداً
  3. ونضيف شويه ماء ونهدي النار شوي ويدوب الرز يتشرب نطفي ونسيبه يهدي شويه
  4. هنملي حله ماء ونحط فيها بصلتين وطماطم وحبهان ولورا وفلفل اسود وملح ونسيبها تغلي
  5. هنحشي الفرخه ونكتفها من تحت وننزلها فالمايه وهي بتغلي جداً وتغلي كم غلوه ونخلي النار متوسطه وتستوي ونشتالها من على النار
  6. هنعمل الصلصة اللي هندهنها بيها هنجيب زيت شويه كتيره قيمه خمس ملاعق ونحط فص ثوم وننزل الطماطم ومعلقه العسل وفلفل وكمون وكزبره وملح وتتسبك وندهن الفرخه بيها والزيت الكتير عشان متتحروقش ونحطها تحت الشوايه وبالهنا والشفا 😉
عجبتك الوصفة؟
شوف كل وصفاتنا في مكان واحد
كل الوصفات →