→ كل الوصفات
مبدأيا كدا انا مش بحب اشكر ف نفسي اكتيير بس عنجد بعد الطريقه دى انا ما دوقت ولا هادوق ف حلاوتها الفرخه اتنسفت بعضمها من كتر حلاوتها جربوها و مش هتندمو مش هاتاخد منك وقت والتتبيله سهلة جداً وبسيطه #ع_طريقتي ولا احلى 👌
المقادير
- فرخه 2 كيلو
- بصلة كبيره
- 2 كوب كبير عصير برتقال
- 3 حبات كيوي مستوى
- جزره وسط
- حبه كوسه و سط
- حبه طماطم كبيرة
- ملح
- فلفل اسود
- بهارات فراخ
- قرفة ناعمة
- 3 م ك زعتر برى
- ½ م ص بودرة زعفران
- ½ م ص كزبرة ناشفة و كمون
- بطاطس
- فلفل رومي
- طماطم
- بصلة
طريقة التحضير
- اولا لازم نغسل الفرخه كويس ونضفها و نحطها ف محلول النقع شويا.. نكون حضرنا بوله غويطه و حطينا فيها عصير البرتقال و كمان الكيوى يكون مهرى خالص مستوى بمعنى اصح و نضربو ف الكبه ونحطو على البرتقال و نفرم البصله ناعم ونحطها على البرتقال و نبشر الجرزة و الكوسه و الطماطم بالمبشرة ونحط كلو على بعضو
- هانحط البهارات كلها و نقلب خلطتنا كويس.. نغسل الفرخه من محلول النقع ونبدا ندخل الحشو مابين الجلد واللحم و نغطى كل الفرخه ف الخلطه و نخليها ف الثلاجه ليله بحالها
- ثاني يوم هانجيب ازازة بيبسي فاضيه ونحطها ف الصينية و نقطع الخضار حسب الرغبة و نحطو ف قاع الصينية وناخد فرختنا الحلوة و نحطها عالازازة و ندخلها الفرن مش اقل من ساعتين مع التقليب المسمتر يعنى كل شويا نفتح الفرن نلف الصينية لحد ما تأخذ معاكى اللون اللي تحبيه وبس كدا تطلعيها تقدميها مع رز او معكرونه او محشي اي حاجه كدا كدا هاتتاكل حاف اصلا من حلاوتها و ريحتها وبالهنا والشفا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد