→ كل الوصفات
#Hadeer_Ashraf ❤️
المقادير
- فرخة متقطعة
- 1 كوب زبادي
- 2 فص ثوم صغيرين مفرومين
- 3 معالق كبيرة زيت
- 3 معالق كبيرة صلصة او كاتشب
- عصير ليمونة كبيرة
- 1/2 معلقة صغيرة (فلفل أسود - حبهان بودرة - سُماق)
- 1 معلقة صغيرة (بابريكا - زعتر - كمون - بهارات فراخ)
- رشة ملح حسب الرغبة
- رشة شطة حسب الرغبة
طريقة التحضير
- أول حاجة هنغسل قطع الفراخ كويس جداً ونعمل فيها فتحات بالسكينة عشان تتشرب التتبيلة كويس
- في طبق هنجهز التتبيلة.. هنضيف الزبادي ونخفقها كويس لحد ما يبقى قوامها كريمي
- بعد كدا هنضيف الزيت والصلصة والليمون وكل التوابل ونخلطهم كويس مع الزبادي
- بعد كدا هنحط التتبيلة على الفراخ ونقلبها كويس بحيث تغطي كل قطع الفراخ
- نغطي الفراخ ونحطها في الثلاجة ليلة كاملة عشان تمتص التتبيلة كويس ويبقى طعمها حلو
- تاني يوم هنحط الفراخ في صينية وعليها التتبيلة ونحطها على النار ونغطيها
- أول ما الفراخ تغلي نهدي النار ونسيبها لحد ما تستوي
- بعد كدا هندخل الصينية الفرن تأخذ لون ذهبي حلو وبس كدا 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد