→ كل الوصفات

فراخ مشوية بتتبيلة رهيبة

#الشيف_الذهبي

  • فرخة
  • 1 كوب زبادي
  • 2 فص ثوم مفرومين
  • 3 معلقة كبيرة زيت
  • 3 معلقة كبيرة صلصة او كاتشب
  • عصير ليمونة كبيرة
  • 1/2 معلقة صغيرة (فلفل اسود - حبهان بودر)
  • 1 معلقة صغيرة (بابريكا - زعتر - كمون - بهارات فراخ)
  • ملح حسب الرغبة
  • رشة شطة حسب الرغبة
  1. أول حاجة هنقطع الصدور لمكعبات والاوراك هتقسمها على 2 ونعمل فيها فتحات بالسكينة
  2. تاني حاجة هنجهز التتبيلة.. في بولة هنضيف كل المكونات على بعضها ونقلبها كويس لحد ما تمتزج ويبقى قوامها كريمي
  3. هنضيف الخلطة على الفراخ ونقلبها فيها كويس ونغطيها ونسيبها في الثلاجة ليلة كاملة
  4. هنعمل الصدور المكعبات شيش.. هنجيب اسياخ شيش طاووق وننقعها في الماء لمدة ساعة عشان متتحرقش لما تدخل الفرن
  5. هندخل مكعبات الفراخ في الاسياخ ونحطها على شبكة الفرن وتحتها صينية فيها شوية ماء عشان الصينية متتحرقش
  6. من وقت للتاني نقلب الاسياخ وندهنها بالتتبيلة باستخدام فرشة ولما تستوي نفتح الشواية عشان تأخذ لون
  7. بالنسبة للاوراك نحطها في صينية ونحطها على النار وعليها التتبيلة ولما تغلي نهدي النار عليها لحد ما تستوي
  8. وفي الاخر ندخلها الفرن تأخذ لون ذهبي حلو وبس كدا 😋
عجبتك الوصفة؟
شوف كل وصفاتنا في مكان واحد
كل الوصفات →