→ كل الوصفات
طريقة الفراخ النهاردة بتتبيلة فوق الممتازة بجد👌 وطعم يجنن يجنن والله 😋 هقولك ازاي تسويها زي الصورة وفنفس الوقت تحافظي علي الصوص بتاعها وتاكليه مع الارز الابيض بيبقي تحفة 🙈 جربوها ومش هتندموا ❤🌷
المقادير
- فرخة مقطعة لنصفين
- 1 بصلة
- 1 طماطم
- 1 قرن فلفل حار
- 3 فص ثوم كبير
- علبة زبادي
- 1 م ك صلصة
- 1 م ك خل
- عصير ليمونة كبيرة
- 3 م ك زيت عادي او زيتون
- 2 مكعب ماجي (مذاب في ربع كوب ماء ساخن)
- م ص من (ملح ، فلفل)
- م ك مليانة (زعتر)
طريقة التحضير
- في الكبة اضرب كل مكونات التتبيلة السابقة واتبل بيها الفرخة كويس من برة وجوة ويفضل اسيبها منقوعة في التتبيلة شوية ،
- في صينية اضع الفرخة وانزل كل التتبيلة واغطي الصينية وادخلها الفرن لحد لما تستوي اشيل الفويل ، الفرخة هتكون استوت (اختبريها بسكينة) وتحتيها صوص كتير اوووي ،
- شيلي الفرخة وحطيها في صينية تانية (بس تكون مش بتلزق) من غير حاجة خالص وخليها تكمل سوا في الفرن براحتها لحد لما تاخد اللون اللي انتي شايفاه دة ، وهنا انا مفتحتش الشواية خالص هي اخدت لون من حرارة الفرن اثناء السوي وبس كدة ،
- قدمتها مع ارز ابيض والصوص بتاعها وبالف الف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد