→ كل الوصفات
طريقة عمل فراخ مشوية بس بتتبيلة روعة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخه كامله مغسوله بالدقيق والخل والملح
- 2 طماطم صغيره
- بصلة متوسطة
- 3 فصوص ثوم
- م ك عصير ليمون
- علبه زبادي صغيرة
- 1/2 م ص فلفل احمر مجفف اوحبه فلفل حار اخضر (ع حسب الرغبه)
- 1/2 م ص شطة
- م ك عسل
- 2 م وسط صلصة
- 1/4 كوب زيت زيتون او نباتي
- م ك صويا صوص
- م ك صوص وسترشير (هقولك تعمليه ازاي في بيت)
- م ك خل
- م ص كمون
- م ص كزبرة ناشفه
- م ص بصل بودر
- م ص كركم
- م ص بابريكا
- رشه قرفة
- 1/2 كوب خل تفاح
- 2 م ك صويا صوص
- 2 م ك ماء
- 1 م ك سكر بني
- 1/4 م زنجبيل
- 1/4 م مستردة بودر
- 1/4 م بصل بودر
- 1/4 م ثوم بودر
- 1/8 م قرفه بودر
- 1/8 م فلفل اسود
طريقة التحضير
- هنغسل الفرخه كويس وبعدين نشيل سلسله الضهر تماما منها ونرميها ونعمل فتحه كده في ضهر صدر كده علشان تقدري تفتحي الفرخه وتخليها زي مانا عاملها في صوره الوصفة والدبابيس تكون مقابله بعضها ممكن نعمل كذه شرطة بسكينه في فرخه علشان تشرب من تتبيله بعد كده من جوة
- نحضر بقى تتبيلة: نخلط مكونات التتبيله في الكبه او خلاط كويس اوي لحد ماتبقى ناعمه وبعدين نصبها على فراخ ونلفها بالنايلون ونحطها في ثلاجة ليله كامله
- وبعد كده في صينيه مدهونه احط الفرخه وباقي الخليط عليها واغطيها بورق زبده و فويل من فوق واحطها في فرن ساخن وبعد ثلث او نصف ساعة اشيل الفويل وورق زبدة واحطلها شويه ماء علشان هتلاقي تتبيله بتنزل على جنب كده في هتحطي ماء وهتاخدي من تتبيله اللي تحتها بالمعلقه وصبيها على الفرخه من حين لاخر اعملي كده لحد ما الفرخه تستوي
- ونولع من فوق علشان تحمر خليها تأخذ لون ده ماتحمرش اكتر من كده علشان ماتحمرش للدرجة الحرق وبألف هنا♥️
- بالنسبه للصوص وسترشير
- هنضيف كل مكونات في حلة ونخلطهم كويس و ع نار متوسطه نحطهم لحدمايغلوا مع مراعاه انك تقلبي من فترة لأخرى
- واول لما تلاقيه تقل كده واتكثف ووصل للسمك اللي احنا عايزينه نسيبه يبرد وبعد كده نحطه ف برطمان محكم الغلق ونشيله ف تلاجه وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد