→ كل الوصفات

فراخ مشوية على الفحم 😋👍👍

تتبيلة جميلة ولذيذة وسهلة جدا دايما بعملها لجوزي وأولادي في البيت وبيحبوها

  • فرخة وسط مش كبيرة (عشان تستوي كويس من غير ما تتحرق)
  • التتبيلة
  • ملعقة توم بودر
  • ملعقة بصل بودر
  • ملعقة بابريكا
  • 0.5 ملعقة زعتر ناشف
  • 0.5 ملعقة روزماري
  • ملعقة كمون
  • ملعقة كزبرة ناشفة
  • 0.25 ملعقة فلفل أسود
  • ملح
  • 0.5 ليمونة
  • ملعقة كبيرة خل
  • 4 ملاعق كبيرة من الزيت
  • ملعقة صلصة طماطم
  1. نخلط كل المكونات مع بعض ومقطع الفرخة
  2. نحشي الفرخة بالخلطة تحت الجلد ومن فوق ومن تحت يعني من كل الجهات
  3. ونتركها في التتبيلة فترة يعني لو هتعمليها على الغدا يبقي تتنقع من بالليل وقبل معاد الغدا بساعة نولع الفحم ونرص الفراخ في الشبكة ونشويها
  4. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →