→ كل الوصفات

فراخ مشوية في الكيس الحراري

فراخ ذائبة ذائبة تحفة بجد وسهلة جدددا عملتها مع الخضار المشكل المتبل بنفس تتبيلة الفراخ المميزة 👌😉

  • 2 فرخة حجم الواحدة (كيلو)
  • كوسة
  • بطاطس
  • فلفل اخضر
  • طماطم
  • بصل
  • م ك ثوم مفروم
  • 2 عود نعناع مفروم (اختياري)
  • علبة زبادي كبيرة
  • 2 م ك صلصة
  • 1/4 كوب زيت
  • 2 مكعب ماجي (مذاب في ربع كوب ماء ساخن)
  • م ص من (بهار فراخ ، فلفل ، كزبرة ، بودرة ثوم على بصل)
  • م ك من (زعتر ، ريحان)
  • م ص بودرة قشور برتقال (في بوست سابق) اختياري
  • ملعقة ونص صغيرة ملح
  • 2 م ك دقيق (عشان الخضار والفرحة متلزقش)
  • 2 كيس حراري
  1. اولا الفراخ : اخرم الفراخ بالسكينة في كل حتة، وبعدين اخلط كل مكونات التتبيلة مع بعض كويس جددا في بولة وانزل الفراخ واتبلها من برة ومن جوة واسيبها من بالليل للصبح منقوعة في التتبيلة ،
  2. ثانيا : تاني يوم اشيل الفراخ على جنمب وفي باقي التتبيلة اللي في البولة انزل ب (ملعقة كبيرة ثوم مفروم) وكل الخضار المشكل واقلبهم مع بعض كويس ،
  3. ثالثا التسوية : ١/اجيب ٢ كيس حراري واقسم الخضار على الكيسين ، ٢/اضع فرخة في كل كيس على الخضار ، ٣/ اضيف ملعقة كبيرة دقيق في كل كيس ،
  4. بعدين اربط طرف الكيس من فوق بالخيط ويكون الكيس فيه شوية هوا وارج الكيس كويس كدة عشان كله يختلط مع بعضه ، وبعدين اعمل فتحة صغيرة من فوق عشان البخار الزايد يطلع والكيس مينفجرش (خلي بالك) ،
  5. بعدين اجيب صينية واحط فيها الكيسين واضع في الصينية ماء وادخلها الفرن لحد لما تستوي الفراخ(اخدت معايا ساعة تقريبا) وفضلت ازود شوية ماء في الصينية بشوية عشان الكيس عندي ميتحرقش من تحت والاكل يتحرق لحد لما استوت ،
  6. بعد لما استوت نزلت الفراخ والخضار في صينية وفتحت عليهم الشواية عشان تأخذ لون وبس كدة ،
  7. ممكن تقدميها مع ارز ابيض او ارز اصفر بالكاري ، لكن انا قدمتها مع ارز بالخلطة (طريقته في البوست القادم) وسمبوسك وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →