→ كل الوصفات
طريقة عمل فراخ مشوية مع الخضار في الفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخه مقطعه 4 أو 8 زي ما تحبوا
- مكونات التتبيلة
- علبة زبادي بلدي كبيرة
- بصلة كبيرة
- 2 قرن فلفل حراق
- ثمرة طماطم
- فص ثوم كبير
- ملح وفلفل اسود
- زعتر
- بهارات فراخ
- عصير نص ليمونة
- ملعقه كبيرة خل
- الخضار : كميات متساوية من
- البطاطس والجزر والفلفل الرومي والبصل مقطعين حلقات أو انصاف حلقات
- ممكن اضافه مكونات شوربة الخضار كلها على حسب الذوق
طريقة التحضير
- بالسكين بنعمل فتحات كتير ف قطع الفراخ علشان تشرب من التتبيلة كويس وتستوي بسرعه
- كل مكونات التتبيلة بنفرمها ف الخلاط أو الكبة ونظبط الملح ونتبل بيها الفراخ وندعكها بالتتبيلة كويس ونبيتها ليله ف التلاجه
- بنجيب صينيه فرن وندهنها سمنة أو زيت ونحط الخضار وشوية ملح وفلفل وكمون وبابريكا وزعتر ونقلب ونحط الفراخ بالتتبيلة كلها على وش الصينية ونقفلها بورق الألومنيوم وتدخلها الفرن تحت على درجه حرارة عاليه لحد ما تستوي وبعدين نشغل الشواية علشان تاخد وش حلو وبتعمل جنبها شوية رز بالشعرية وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد