→ كل الوصفات

فراخ مشوية مع رز بسمتي

طريقة عمل فراخ مشوية مع رز بسمتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 فرخه
  • كوبايتين مايه
  • كوب رز, بسمتي
  • مكعب مرقه دجاج
  • 0.25 جزره
  • قليل زيت
  • فلفل
  • توابل
  • 1 بصل
  • اعواد قرفه
  • قرنفل
  • كاري
  • ليمون ناشف
  1. نقطع الفرخه نصين بالطول ونتبلها ببصله مبشوره و فلفل و فلفل اسود و ملح و اي بهارات بتحبيها و معلقه كبيره كاتشب و معلقه صغيره مسطرده. و نسيبها في التتبيله 3 ساعات على الاقل, في التلاجه. مع ملاحظه اننا نعمل فتحات في الفراخ, عشان التتبيله تبقي جواها اكتر
  2. هنطلع الفراخ, نحطها في صينيه و نغطيها بورق فويل. و ندخلها الفرن لمده ساعه الا ربع, لغايه ما تستوي. و بعدين نشيل الفويل و نحطها تحت الشوايه, لغايه ما تتحمر
  3. الرز البسمتي, هنغسله كويس و نسيبه لغايه ما نجهز باقي مكوناته
  4. هنبشر بصله و نحمرها في شويه زيت و بعدين نبشر ربع جزره و نحطها و بعدين نحط التوابل و اهم حاجه الليمون الناشف و أعواد القرفه و القرنفل و الكاري و الملح
  5. نقلب و نحط كوبايتين مايه لغاية ما يغلي و مكعب مرقه و بعدين نحط الرز و نغطي لغايه ما يستوي
  6. و بالهنا. ❤️
عجبتك الوصفة؟
شوف كل وصفاتنا في مكان واحد
كل الوصفات →