→ كل الوصفات
#الوصفة_المثالية
المقادير
- للشوربة (مقبلات)
- علبة ذرة حلوة (وسط 200 جرام تقريبا)
- عدد 1 بصلة متوسطة
- قطع صغيرة صدور فراخ مقطعة (ربع كيلو)
- علبة كريمة طبخ (ربع كيلو)
- ملعقة دقيق (كبيرة مش مليانة)
- كوب لبن
- ملح
- فلفل
- الفراخ المشوية (وجبة رئيسية مع رز ابيض)
- صدور فراخ سميكة (اربع قطع)
- ملح
- فلفل
- بابريكا
- ثوم بودرة
- بصل بودرة
- زعتر
طريقة التحضير
- الشوربة: ودي مكوناتها بالصور اول خطوة اضع البصل مع شوية زيت على النار يتحمر
- اضيف قطع الفراخ تستوي مع الملح والفلفل
- احط ملعقة الدقيق واقلب ثم اضيف الذرة
- اضيف اللبن والماء واسيبهم يغلو على النار لحد ما تتقل شوية (بلاش تتقل كتير انا عايزاها شوربة خفيفة)
- اضيف الكريمة واسبها غلوتين على النار وبألف هنا (طعمها بجد فظيع)
- اجهز اطباقى وازينها ذي ما أحب (طرق التزيين كتير على النت)
- الفراخ المشوية اسخن الجريل كويس جداً وادهنه بشوية زيت بسيطة
- احط الفراخ واقلب فيها لحد ما تستوي (بلاش نضغط عليها باى شوكة مثلا نسيبها تحتفظ بالماء اللي فيها عشان تطلع طرية) اقل من عشر دقائق وبتستوى (الافضل تتاكل ساخنة مولعة طعمها بيفرق كتير) وتتقدم مع الشوربة ورز ابيض أو بسمتي وبألف هنا
- الشوربة بجد رائعة جربوها وهتدعولى والذرة طعمها جامد في الوصفة والله بجد كل اللي اكلها عندي عجبته جداً
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد