→ كل الوصفات
طريقة عمل فراخ مشوية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخة كامله
- 2 حبات بصل
- 2 فص ثوم
- فلفل أسود وملح
- ملعقة صغيرة يوم وبصل بودرة
- ملعقة صغيرة بابريكا
- زعتر
- كزبرة ناشفة
- كاري
- ليمون
- خل
- كاتشب او صلصة طماطم
طريقة التحضير
- اول حاجة هنقص العمود الى في ضهر وهنغسل الفراخ كويس جداً الأول بالملح و الدقيق وبعد كده هنجيب ماء متلجة ننقعها فيها وعليها خل ودقيق وملح وليمونه لمده نص ساعة وبعد كده نطلعها و نسبها لحد ما تتصفي خالص عشان ريحتها تروح
- هنتبلها قبل ما نعملها بيوم تتبيله و يوم ما نعملها تتبيله تانيه.. اول تتبيله هنحط البصل البودرة و الثوم البودرة والبابريكا وفصين ثوم و كزبره ناشفه والكاري وزعتر وزيت زيتون ومعلقة كاتشب وهندخل التتبيله تحت الجلد كويس و نعمل اخرام في كذا حتى في الفرخه عشان تشرب التتبيله ونحطها في تلاجة لحد بكرة
- يوم ما نعملها بقي هنطلعها وهنفرم في الكبه بصله كبيرة عليها ملعقة ملح و فلفل اسود و ملعقة سمنة وندعكهم في بعض و في الاخرام الى عملنها وتحت الجلد نحشبها بالبصل ده عشان يدي طعم حلو الفراخ زي الصورة دي
- هنجيب صينيه و نحط فيها باقي التتبيله و نزودها بماء و ربع كبايه خل و بعدين نحط فوقيها شواية الميكرويف او الشواية الى بتتحط فيها الفرخه و تتقفل او شبكه الفرن بس كل دول لازم يدهونوا بزيت عشان الفرخه متلزقش
- هنحط الفرخه على شواية و ندهنها بفرشة بكاتشب او معجون صلصة و رشة بابريكا عشان لما نشغل الشواية عليها تدينا اللون المحمر و نغطيها بفويل و ندخلها الفرن اول نص ساعة هنسيب الفويل و بعد كده نشيل الفويل و نقلبها الوجه التاني و في الاخر نشغل الشواية عشان تتحمر
- و لما تستوي هنكون مسخنين فحمه كبيرة و نفحمها الخطوة دي اهم خطوة للطعم و الريحه و الف هنا ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد