→ كل الوصفات
النهارده هقدم لكم طريقة فراخ مشوية حلوة جداً ومش هتبطلي تعمليها على سفرتك جربيها هتعجبك جدا👌😉
المقادير
- 1 فرخة حجم كيلو ونصف
- 2 بصلة
- 2 طماطم
- 1/4 كوب خل
- 1 عصير ليمونه
- 1/4 كوب ماء
- 1 ملعقة كبيرة كاتشب
- 1 ملعقة صغيره ملح
- 1 ملعقة صغيره سكر
- 1 ملعقة صغيره قرفة
- 1 ملعقة صغيره بهارات فراخ
- 1 ملعقة صغيره بابريكا
- 1 ملعقة صغيره ثوم بودر
- 1 ملعقة كبيرة صوص باربيكيو
- 1/2 ملعقة صغيرة زعتر
- 1/2 ملعقة صغيرة زنجبيل
- 3 ملاعق كبيرة زيت
- 2 فلفل رومي
طريقة التحضير
- أولا نغسل الفراخ كويس جداً بالماء والخل والملح والليمون وبعدين ندعكها بالدقيق عشان نضيع اي ريحة زفاره للفراخ واغسليها بالماء كويس وبعد كدة شيلي الرقبه وسلسلة الظهر منها عشان تكون زي الشكل إللي في الصورة ولو عايزاها تقطعيها أربعة ممكن تعمليها كدة براحتك😍
- حطي البصل والطماطم والفلفل الأخضر في الكبه والماء وبعدين اخلطيهم مع بعض وصفيهم كويس بالمصفاه عشان هناخد ماء البصل والطماطم والفلفل الأخضر بس 😍
- حطي ماء البصل والطماطم والفلفل الأخضر في طبق غويط وبعد كدة حطي عليهم الخل والليمون وكل البهارات الموجودة في المكونات والكاتشب صوص الباربيكيو وأخلطيهم مع بعض كويس وبعد كدة حطي الفرخة في التتبيلة الحلوة دي وسيبيها في التلاجه من بليل عشان تكون طرية وحلوة معاكي 😍
- جيبي صينية وحوطي فيها الفرخة وحوطي عليها كل التتبيلة ودخليها الفرن وسيبيها لحد لما تستوي وتتحمر معاكي ممكن تاخد ساعة ونصف او ساعتين😍
- بعد لما تستوي وتتحمر ممكن تعملي فحمة وحوطيها مع الفراخ عشان تديكي ريحة الفحم أو قدميها كدة هي حلوة في كل حاجة جربيها هتعجبك أوي بجد👌 وبالعافيه عليكى حبيبتي 😘😍💓🌹
- متنسيش لو جربتيها صوريهالي📸 وابعتيهالي دي حاجة بتفرحني جداً 🤗♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد