→ كل الوصفات

فراخ مشويه بتتبيله رائعه 🍗

في الكيس الحراري بطريقه سهله وسريعه 👌

  • 2 فرخه
  • بصله كبيره
  • معلقه كبيره ثوم مفروم
  • علبة زبادي
  • 3 طماطم
  • عصرة نص ليمونه
  • معلقه كبيره خل
  • معلقه كبيره زيت
  • معلقه كبيره كاتشب
  • معلقه صويا صوص
  • توابل
  • معلقه ونص صغيره ملح
  • 1/2 معلقه صغيره فلفل اسود
  • 1/4 معلقه صغيره بهارات
  • رشه كزبر ناشفه
  • رشه قرفه
  • رشه بابريكا
  • رشه سماق
  • 5 قلب فصوص حبهان
  • سنه معلقه زعفران او كاري او لون طعام اصفر
  1. بنغسل الفراخ كويس وننقعها في مياه وخل وليمون لمده نص ساعه
  2. ونجيب الكبه ونحط كل المكونات ونضربهم كويس وبنجيب الفرحه ونعمل فيها شرايح وفتحات علشان التتبيله تتدخل في كل مكان وتشرب من طعمها ونحط التتبيله في الفراخ ونوزعها كويس وتحت الجلد ونحطها في كيس حراري ونقفله كويس ونجيب صينيه نحط الكيس فيها ونسيها في التتبيله قبلها بيوم
  3. وتاني يوم بنعمل فتحات في الكيس وندخلها فرن اول نص ساعه علي ٢٠٠ وبعدها نخلي درجه الحراره ١٨٠ درجه وبتقعد ساعه ونص او اقل حسب حجم الفراخ ولما تستوي بفتح الكيس وشغل عليها الشوايه تاخد وش اكتر وبطلعها وقت التقديم بجيب طبق واحط بقدونس ورجل الفرخه بلف عليها ورق فويل زي المحلات وبجد شكلها وريحتها وطعمها يشرفك في العزومات قدام ضيوفك والف هنا علي قلبكم 😋👌
عجبتك الوصفة؟
شوف كل وصفاتنا في مكان واحد
كل الوصفات →