→ كل الوصفات
طريقة عمل فراخ مشويه بتتبيله لبن رائب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 فرخه كامله او متقطعه
- 1 زجاجه لبن رائب
- 1 ملعقة ص فلفل اسود
- 1 ملعقة ص ملح
- 1/2 ملعقة ص سبع بهارات
- صلصه او باربيكيو لدهن الفراخ
طريقة التحضير
- غسلت الفرخة كويس جداً، تبلتها بملح -فلفل -سبع بهارات ودلكتها كويس، نزلتها فى كيس و ضيفت لبن رائب، سيبتها ليله كامله في الثلاجه وممكن اقل حاجه 3 ساعات، طلعتها من الثلاجه قبل التسويه بساعه، جبت صينيه غطيتها بورق فويل وعليها شبكه علشان ارص عليها قطع الفراخ
- دخلتها الفرن على حراره 170 لمده 20 دقيقه، طلعتها ولفيت الصينيه وبعد شويه تقريبا 30 دقيقه طلعتها ودهنت الفراخ بطبقه صلصة ودخلتها ثاني، تقريبا بتستوى في 50 دقيقه، اختبرتها علشان اشوف هاتطلع ماء ولا لاء، طلعت قطع الفراخ في صينيه ودهنتها بزبده و غطيتها لمده 10 دقائق علشان ترتاح وتحتفظ بالـ juice
- ملحوظه؛ 1- لازم اي بروتين قبل التسويه يطلع من الثلاجه قبلها بساعه علشان تكون بدرجه حراره الغرفه وتستوى من جوه وبره مش تأخذ لون بس — 2- الفرخه وهى كامله وبتاخد وقت اكتر في التسويه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد