→ كل الوصفات

فراخ مشويه خطيره زي المحلات بالظبط 🍽

تشرفك قدام ضيوفك 👏👏👏

  • 2 فرخه صغيره
  • بصله كبيره
  • معلقه كبيره ثوم مفروم
  • علبة زبادي
  • 3 طماطم
  • عصرة نص ليمونه
  • معلقه كبيره خل
  • معلقه كبيره زيت
  • معلقه كبيره كاتشب
  • معلقه كبيره صويا صوص
  • توابل
  • معلقه ونص صغيره ملح
  • 1/2 معلقه صغيره فلفل اسود
  • 1/4 معلقه صغيره بهارات
  • رشه كزبره ناشفه
  • رشه قرفه
  • رشه بابريكا
  • رشه سماق
  • 5 قلب فصوص حبهان
  • سنه معلقه زعفران او لون اصفر او كاري
  1. بجيب الفرخه واغسلها كويس وبعدين اقطع الفرخه من الظهر وافتحه كويس وبعدين اعمل فتحات في الفرخه وشقوق علشان التتبيله تدخل فيها وتتطعم
  2. بعد كده بنضرب جميع مكونات الخلطه في الكبه ونتبل بيها الفرخه كويس وندخل التتبيل بين الجلد وفي الفتحات ونغطيها بسترتش راب ونسيب الفرخه في التتبيله ليله كامله في التلاجه
  3. تاني يوم بنجيب صينيه ونحط لنصها مياه وننزل بورق لوري وحبهان فيها وبعدين نجيب شبكة الشوي ونحط الفرخه فيها ونقفل عليها ونحطها فوق الصينيه زي الصوره
  4. وبعدين نحطها في فرن سابق التسخين ونشغل عليها الشوايه الاول تاخد وش من الناحيتين (بنعمل كده علشان نحتفظ بطروتها ومتنشفش) وبعدين نشغل عليها الفرن علي ٢٠٠ درجه ونسيبها لحد ما تستوي وكل شويه نقلبها علي الناحيتين ونختبرها بالسكينه وتقدم بالف هنا وبجد هتشرفك قدام ضيوفك وشكلها وطعمها زي الجاهزه 👌👌👌
عجبتك الوصفة؟
شوف كل وصفاتنا في مكان واحد
كل الوصفات →