→ كل الوصفات

فراخ مشويه على جريل على البوتجاز

#امي_جنتي دي طريقة مامتي 😍♥️

  • 1/2 فرخه وطبعاً على حسب عدد الاشخاص
  • 2 بصله وسط
  • ملح حسب الرغبه
  • ملعقه صغيرة فلفل اسود
  • 1/4 حزمة بقدونس او الخضره المتاحه
  • ملعقتين زيت
  • كوب ماء
  1. اولاً نبشر البصل و نتبله بالملح و الفلفل الاسود و نتبل بيه الفراخ و نسيبها في التتبيله مش اقل من ساعة انا كنت متبلاها من فتره و شايلاها في الفريزر
  2. ثانياً هنجيب جريل او طاسه عاديه و هنحط فيه الزيت و بعدين هنجيب الفراخ و ننزل التتبيله كلها من عليها و نحطها تتشوح في الزيت و نقلبها على الجنبين لحد ما لونها يبقى ذهبي غامق
  3. بعد ما تتشوح هننزل عليها بالتتبيله بتاعتهاو بعدين نحط ربع كباية الماء و نغطي عليها و نفتح عليها كل شويه نشوفها ونقلبها و كل ما تحتاج مياه نزودلها لحد ما تستوي هنغرس شوكه فيها علشان نعرف استوت ولا لا
  4. بعد ما تستوي هنقطع البقدونس بالسكينه انا كان المتاح عندي كرفس و هنحطه في طبق و نطلع عليه الفراخ و اللي بيحب التتبيله بتاعتها يطلعها معاها بيبقي طعمها حلو جداً و تتقدم بالهنا و العافيه😍😋
عجبتك الوصفة؟
شوف كل وصفاتنا في مكان واحد
كل الوصفات →