→ كل الوصفات
#دجاج_مشوي بطريقه جديده والطعم حكايه و اللون وهمي #اكلات_بالطماطم
المقادير
- 1100 جرام فرخه مغسوله كويس
- 3 طماطم متوسطه مبشورة
- 2 بصله متوسطه مبشورة
- 4 فصوص ثوم مفروم ناعم
- ملح حسب الرغبة
- فلفل اسود حسب الرغبه
- معلقه كبيره خل
- معلقه كبيره عسل اسود وفي الحاله دي بنزود الملح شويه
- 0.25 ملعقه صغيره كمون
- رشه شطه حاره
- معلقتين كبيره صلصة طماطم
- عصير ليمونه ونص ونحتفظ بالقشر
- معلقه صغيره سبع بهارات
طريقة التحضير
- نجيب طبق غويط نحط كل البهارات و نحط عليها الطماطم و الصلصة و البصل و الثوم و الخل و عصير الليمون و ندعكهم كويس جداً و نبدأ نتبل بيها الدجاجه
- و نكون عاملين فتحات في الصدر و ندخل فيها التتبيله و نسيبها ست ساعات و ياسلام لو تبات ليله في التتبيله تبقي روعه
- و نجيب صينيه و نحط فيها ماء لحد النص و نجيب ازازة و نحط فيها ماء باردة و نملاها و نحطها في النص
- و نوقف عليها الفرخه و نحط باقي التتبيلة على الفرخه و في الماء نحط ورق لاورا و قشر الليمون و حبهان و ملح وفلفل اسود
- و نكون مسخنين الفرن قبل ما نحطها بربع ساعة
- و نحطها في الفرن على درجة حرارة 200 لمده ساعة و نص و نختبرها من الصدر لو دخل بسهوله يبقى استوت نقفل عليها و نسيبها تهدي و بعد كدة نشيلها من الازازه... لو لسه ممكن نهدي النار 180 و نسيبها كمان نص ساعة
- و المرقه اللي نزلت منها ممكن نحتفظ بيها و نعمل بيها المحشي او اي خضار نحتاج نحطله شوربه... طعمها بيكون روعه جداً 👌😍
- و بالهنا والشفا بقي 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد